കെ.എസ്.ആർ ടി സി ബസിനു നേർക്ക് കാട്ടാന പാഞ്ഞടുത്തു

പത്തനംതിട്ട : കെ.എസ്.ആർ ടി സി ബസിനു നേർക്ക് കാട്ടാന പാഞ്ഞടുത്തു. ഗവി റൂട്ടിൽ സർവീസ് നടത്തുന്നയിടയിലാണ് കാട്ടാന കെ.എസ്.ആർ.ടി.സി ബസിനു നേരെ പാഞ്ഞെടുത്തത്. ഇന്നലെ 3.45 നാണ് ബസ് കാട്ടാനയുടെ മുന്നിൽപ്പെട്ടത്. പത്തനം തിട്ട ഡിപ്പോയിൽ നിന്നും രാവിലെ 6.25 ന് പുറപ്പെടുന്ന ഗവി വഴി കുമളിക്കുപോയ ബസ് തിരികെ വരുന്നതിനിടെ ഐ.സി ടണൽ. ചെക്ക് പോസ്റ്റ് സമീപമാണ് കാട്ടാന എത്തിയത്. ബസിൽ 12 യാത്രക്കാർ ഉണ്ടായിരുന്നു. അതേസമയം മനസാന്നിധ്യം കൈവിടാതെ ഡ്രൈവർ ബസ് അതിവേഗം പിന്നിലേക്കു ഓടിച്ച് മാറിയെങ്കിലും പാഞ്ഞെത്തിയ കാട്ടാന മുൻവശത്തെ ഗ്ലാസിനോടു തൊട്ടുരുമി നിന്ന ശേഷം തിരികെ കാട്ടിലേക്ക് കയറി. മുൻപും ഈ ബസ് ആനയുടെ മുന്നിൽപ്പെട്ടിട്ടുണ്ട്.