പാലക്കാട് ആലത്തൂർ എടാംപറമ്പ് തടയണയിൽ അകപ്പെട്ട ഇരുചക്രവാഹനക്കാരന് രക്ഷകരായി യുവാക്കൾ

പാലക്കാട് : പാലക്കാട് ആലത്തൂർ എടാംപറമ്പ് തടയണയിൽ അകപ്പെട്ട ഇരുചക്രവാഹനക്കാരന് രക്ഷകരായി യുവാക്കൾ . ശക്തമായ മഴ ഉണ്ടായിരുന്നു പ്രദേശത്ത് . ക്രോസ് വേ മുറിച്ച് കടക്കാൻ ശ്രമിക്കുന്ന സമയത്താണ് അപകടം. തടയണയിലെ ജലത്തിന്റെ ഒഴുക്കും കൂടുതലായിരുന്നു. അതുകൊണ്ട് തന്നെ പ്രദേശത്ത് സഞ്ചാരം ഇല്ലായിരുന്നു. എന്നാൽ ഈ എടാം പറമ്പ് തടയണയിൽ യാത്ര ചെയ്യുവാൻ ശ്രമിച്ച യുവാവ് കുത്തൊഴുക്കിൽ അകപ്പെടുകയായിരുന്നു. തുടർന്ന് ഒരു കൂട്ടം യുവാക്കൾ എത്തിയാണ് യുവാവിനെ രക്ഷപ്പെടുത്തിയത്.