ഓപ്പറേഷന്‍ തൂഫാന്‍:

ഇതുവരെ  അറസ്റ്റിലായത് 12322 പേര്‍  
കേസുകളുടെ എണ്ണം 11438 ആയി

ഓപ്പറേഷന്‍ തൂഫാന്‍റെ  ഭാഗമായി  നടത്തിയ പരിശോധനയില്‍ സംസ്ഥാനത്തിന്‍റെ വിവിധ ഭാഗങ്ങളില്‍ നിന്നും ഇതുവരെ 12322 പേരെ അറസ്റ്റ് ചെയ്തു. കഴിഞ്ഞ ദിവസം, 65 കേസുകളിലായി 72 പേര്‍ കൂടി അറസ്റ്റിലായതോടെ ഓപ്പറേഷന്‍ തൂഫാന്‍റെ ഭാഗമായി എടുത്ത കേസുകളുടെ എണ്ണം 11438 ആയി. ഇതുവരെ 24023.324 ഗ്രാം എം.ഡി.എം.എയും 1531.133 കി.ഗ്രാം കഞ്ചാവും 766.309 ഗ്രാം ബ്രൗണ്‍ ഷുഗറും 5343.069 ഗ്രാം ഹാഷിഷ് ഓയിലും 3024 കഞ്ചാവ് ചെടികളും  പിടിച്ചെടുത്തിട്ടുണ്ട്.

കഴിഞ്ഞ ദിവസം രജിസ്റ്റര്‍ ചെയ്ത കേസുകളില്‍ സ്മാള്‍ ക്വാണ്ടിറ്റി കൈവശം വച്ചതിന് 25 കേസുകളും മീഡിയം ക്വാണ്ടിറ്റി കൈവശം വച്ചതിന് നാല് കേസുകളും 27 എന്‍.ഡി.പി.എസ് ആക്ട്  പ്രകാരം 36 കേസുകളും കോട്പ  പ്രകാരം 34 കേസുകളും രജിസ്റ്റര്‍ ചെയ്തിട്ടുണ്ട്. ഇവരില്‍ നിന്ന് 10.230 ഗ്രാം എം.ഡി.എം.എയും 0.623 കി.ഗ്രാം കഞ്ചാവും 57.19 ഗ്രാം ബ്രൗണ്‍ ഷുഗറും ഒരു ഗ്രാം ഹാഷിഷ് ഓയിലും 624 കഞ്ചാവ് ചെടികളും  പിടിച്ചെടുത്തിട്ടുണ്ട്.

ഓപ്പറേഷന്‍ തൂഫാന്‍റെ ഭാഗമായി ഇന്നലെ മാത്രം സംസ്ഥാനത്തുടനീളം കേരള പോലീസ് 44 ബോധവത്ക്കരണ ക്ലാസുകള്‍ നടത്തി. ഇതുവരെ നടത്തിയ ആകെ ബോധവത്ക്കരണ ക്ലാസ്സുകളുടെ എണ്ണം 10081 ഉം കൗണ്‍സിലിങ്ങുകളുടെ എണ്ണം 825 ഉം ആണ്. സ്കൂള്‍, കോളേജ് പ്രൊട്ടക്ഷന്‍ ഗ്രൂപ്പുകളുടെ നേതൃത്വത്തില്‍ ആകെ 6971 ബോധവത്ക്കരണ പരിപാടികളും നടത്തി.

ലഹരി വിപണനത്തെക്കുറിച്ചുള്ള വിവരങ്ങള്‍ പൊതുജനങ്ങള്‍ക്ക് നേരിട്ടും (9497979794, 9497927797) വാട്സ്ആപ്പ് (9995966666) മുഖേനയും പോലീസിനെ അറിയിക്കാം. ഈ നമ്പറുകളിലേക്ക് ബന്ധപ്പെടുന്നവരുടെ വിവരങ്ങള്‍ രഹസ്യമായി സൂക്ഷിക്കും.