തലസ്ഥാനത്ത് പരിശീലന വിമാനം ടേക്ക് ഓഫ് ചെയ്യുന്നതിനിടയിൽ നിയന്ത്രണം നഷ്ടമായി ഇടിച്ചിറക്കി

തലസ്ഥാനത്ത് പരിശീലന വിമാനം ടേക്ക് ഓഫ് ചെയ്യുന്നതിനിടയിൽ നിയന്ത്രണം നഷ്ടമായി ഇടിച്ചിറക്കി . പൈലറ്റ് അപകടം കൂടാതെ രക്ഷപ്പെട്ടതെന്നാണ് വിവരം.രാജീവ് ഗാന്ധി ഏവിയേഷൻ അക്കാദമിയുടെ പരിശീലന വിമാനമാണ് പറന്നുയരുന്നതിനിടെ നിയന്ത്രണം വിട്ട് ഇടിച്ചിറക്കിയത്. രാവിലെ പതിനൊന്നന്നരയോടെയാണ് റണ്‍വേയിൽ നിന്നും പറന്നുയർന്ന ഉടനെ വിമാനം വീണത്. പൈലറ്റ് അനൂപ് നായർ മാത്രമാണ് വിമാനത്തിലുണ്ടായിരുന്നത്. പൈലററിനെ സ്വകാര്യ ആശുപത്രിയിലേക്ക് മാറ്റി. അപകട കാരണത്തെ കുറിച്ച് ഡയറക്ടർ ജനറൽ ഓഫ് സിവിൽ ഏവിയേഷൻ അന്വേഷണം തുടങ്ങി.