ധോണിയില്‍ കൊമ്പന്‍ പിടി 7 കൂട്ടിലായെങ്കിലും കാട്ടാന പേടി ഒഴിയുന്നില്ല
പാലക്കാട് : ധോണിയില്‍ കൊമ്പന്‍ പിടി 7 കൂട്ടിലായെങ്കിലും കാട്ടാന പേടി ഒഴിയുന്നില്ല. രാത്രിയില്‍ കാട്ടാനക്കൂട്ടം നാടിറങ്ങി വരുന്നത് ഇവിടെ തുടരുകയാണ്. ഇതിന് ശാശ്വത പരിഹാരം വേണമെന്നാണ് നാട്ടുകാരുടെ ആവശ്യം.ധോണിയായി മാറിയ പിടി 7 മാത്രമെ കൂട്ടിലായിട്ടുള്ളൂ. ബാക്കി എല്ലാം പഴയ പടി തന്നെ.6 കാട്ടാനകള്‍ ധോണിക്കാരുടെ ഉറക്കം കെടുത്താന്‍ ഇപ്പോഴും കാടിറങ്ങി വരുന്നുണ്ട്. കൂട്ടമായും ഒറ്റയ്ക്കും.വനാതിര്‍ത്തിയോട് ചേര്‍ന്നുള്ള കൃഷിസ്ഥലങ്ങളാണ് ആനകളുടെ പ്രധാന വിഹാരകേന്ദ്രം. ആനകള്‍ നാടിറങ്ങാതിരിക്കാന്‍ ശാശ്വത പരിഹാരമാണ് നാട്ടുകാരുടെ ആവശ്യം. കൂടുതല്‍ പ്രദേശങ്ങളിലേക്ക് സോളാര്‍ ഫെന്‍സിഗ് വ്യാപിപ്പിക്കാനും ആര്‍ആര്‍ടികളെ സജീവമാക്കാനുമാണ് വനം വകുപ്പിന്റെ തീരുമാനം.
