കണ്ണൂര്‍ സെന്‍ട്രല്‍ ജയിലില്‍ നിന്നും പ്രതി തടവ് ചാടി
കണ്ണൂര്‍: കണ്ണൂര്‍ സെന്‍ട്രല്‍ ജയിലില്‍ നിന്നും പ്രതി തടവ് ചാടി. കോയ്യോട് സ്വദേശി ഹര്‍ഷാദാണ് തടവ് ചാടിയത്. മയക്ക് മരുന്ന് കേസില്‍ 10 വര്‍ഷം തടവിന് ശിക്ഷിക്കപ്പെട്ട പ്രതിയാണ് ഹര്‍ഷാദ്. രാവിലെ പത്രക്കെട്ട് എടുക്കാന്‍ പോയ ഹര്‍ഷാദ് ബൈക്കിന്റെ പിറകില്‍ കയറി രക്ഷപ്പെടുകയായിരുന്നു.എല്ലാ ദിവസവും രാവിലെ ഹര്‍ഷാദാണ് പത്രക്കെട്ട് എടുത്തിരുന്നത്. ഗേറ്റിന് പുറത്തേക്ക് പോയ പ്രതി ദേശീയ പാതയില്‍ നിര്‍ത്തിയിട്ടിരുന്ന ബൈക്കിന് പിറകില്‍ കയറിപ്പോവുകയായിരുന്നു. പ്രതിയുടെ രക്ഷപ്പെടല്‍ ആസൂത്രിതമാണെന്നാണ് ജയില്‍ ഉദ്യോഗസ്ഥരുടെ സംശയം.കണ്ണവം പൊലീസ് എടുത്ത കേസില്‍ 2023 സെപ്റ്റംബര്‍ മുതല്‍ ശിക്ഷ അനുഭവിക്കുകയായിരുന്നു ഹര്‍ഷാദ് .
