ലൈഫ് ആൻഡ് ക്ലിനിക്കിന്റെ ഉദ്ഘാടന ചടങ്ങ് 2023 നവംമ്പർ 14 ന്
തിരുവനന്തപുരം : ലൈഫ് ആൻഡ് ക്ലിനിക്കിന്റെ ഉദ്ഘാടന ചടങ്ങ് 2023 നവംമ്പർ 14 ന് . ചൊവ്വാഴ്ച രാവിലെ 10 മണിക്ക് നടത്തുവാൻ തീരുമാനിച്ചിരിക്കുന്നു. മാവേലിക്കര വെട്ടിയാർ പാലത്തിനു സമീപമാണ് ക്ലിനിക്ക് . 2014 ൽ ലൈഫ് ആൻഡ് ലിംബിന്റെ ആഭിമുഖ്യത്തിൽ തിരുവനന്തപുരം പ്രസ് ക്ലബ്ബിൽ വച്ച് തുടക്കം കുറിച്ച കൃത്രിമക്കാൽ വിതരണം കഴിഞ്ഞ എട്ടു വർഷമായി തുടർന്നു കൊണ്ടു പോകുന്നതിൽ ഞങ്ങൾക്ക് ചാരിതാർത്ഥ്യം ഉണ്ട് . ഓട്ടോ ബോക് എന്ന കമ്പനിയുടെ മികച്ച സാങ്കേതികവിദ്യ ഉപയോഗിച്ചുകൊണ്ടുള്ള ജർമ്മൻ നിർമ്മിതവും 2 ലക്ഷത്തിലധികം രൂപ വിലയുള്ളതുമായ 204 കാലുകളാണ് നാളിതുവരെ ഞങ്ങൾ വിതരണം ചെയ്തിട്ടുളളത്. ലൈഫ് ആന്റ് ലിംബ് ൽ നിന്നും കഴിഞ്ഞു എന്നത് ഒരു നേട്ടമായി ഞങ്ങൾ കരുതുന്നു.വെട്ടിയാർ നടയിൽ തെക്കേതിൽ പരേതനായ പാസ്റ്റർ എൻ.പി സാമുവേലിന്റെയും അന്നമ്മ സാമുവേലിന്റെയും മകനും , അമേരിക്കയിൽ സ്ഥിരതാമസക്കാരനുമായ ജോൺസൺ സാമൂവൽ ആണ് ഈ മഹാസംരംഭത്തിന്റെ ചുക്കാൻ പിടിക്കുന്നത്. ഒരിക്കൽ ഒരു യാത്രയിൽ ഒരുകാൽ നഷ്ടപ്പെട്ടുപോയ മനുഷ്യൻ ഊന്നു വടിയുടെ സഹായത്തോടെ വളരെ പ്രയാസപ്പെട്ട് നടന്നു നീങ്ങുന്നത് കണ്ടപ്പോൾ അങ്ങനെയുള്ളവർക്കു വേണ്ടി എന്ത് ചെയ്യുവാൻ സാധിക്കും എന്നുള്ള ചിന്തയിൽ നിന്നും ഉരുത്തിരിഞ്ഞതാണ് ലൈഫ് ആന്റ് ലിംബ് എന്ന ഈ സംരംഭം. ഇതൊരു സ്വപ്നമായി കൊണ്ടുനടക്കുകയും പിന്നീടുളള ദിവസങ്ങൾ കാല് നഷ്ടപ്പെട്ട നിർധരായ ആളുകൾക്ക് തികച്ചും സൗജന്യമായി കാലു വെച്ചു കൊടുക്കുന്ന ഈ ഉദ്യമം നടപ്പാക്കുന്നതിനു വേണ്ടി തന്റെ സമയും സമ്പത്തും ആരോഗ്യം അദ്ദേഹം ചിലവഴിച്ചു.
