അജ്ഞാത സംഘം വീടിന്‍റെ ജനല്‍ ചില്ലും മൂന്നു വാഹനങ്ങളും തകര്‍ത്തു
തൃശൂർ: അജ്ഞാത സംഘം വീടിന്‍റെ ജനല്‍ ചില്ലും മൂന്നു വാഹനങ്ങളും തകര്‍ത്തു. കുന്നംകുളം കാണിപ്പയ്യൂരിൽ പുലര്‍ച്ചെ മൂന്നു മണിയോടെയാണ് സംഭവം.കാണിപ്പയ്യൂര്‍ സ്വദേശിയായ വിജയകുമാറിന്‍റെ വീടിന് നേരെയാണ് ആക്രണമുണ്ടായത്. വീട്ടുകാര്‍ ഇറങ്ങി നോക്കുമ്പോഴേക്കും അക്രമികള്‍ കടന്നു കളഞ്ഞു. തുടര്‍ന്ന്, നടത്തിയ പരിശോധനയിലാണ് ജയന്‍ എന്നയാളിന്‍റെ വീടിന്‍റെ മുന്നില്‍ നിര്‍ത്തിയിട്ടിരിക്കുന്ന കാറിന്‍റെ ചില്ല് അടിച്ചു തകര്‍ത്തത് കണ്ടത്. തൊട്ടടുത്ത വിഷ്ണുവിന്‍റെ ഓട്ടോറിക്ഷയുടെ സീറ്റ് കുത്തിക്കീറുകയും ചെയ്തു. ജിഷ്ണു എന്നയാളിന്‍റെ ഉടമസ്ഥതയിലുള്ള സ്കൂട്ടറാണ് തകര്‍ത്തത്.സംഭവത്തിൽ കുന്നംകുളം പൊലീസ് അന്വേഷണം ആരംഭിച്ചു.
