ചാരായം വാറ്റി വിൽപ്പന നടത്തിയിരുന്ന പൊലീസ് ഉദ്യോഗസ്ഥനെ സസ്‌പെന്റ് ചെയ്തു
ആലുവ : ചാരായം വാറ്റി വിൽപ്പന നടത്തിയിരുന്ന പൊലീസ് ഉദ്യോഗസ്ഥനെ സസ്‌പെന്റ് ചെയ്തു. ആലുവ ട്രാഫിക് സ്റ്റേഷനിലെ സിപിഒ ജായി ആന്റണിയെ ആണ് റൂറൽ എസ്പി വിവേക് കുമാർ സസ്‌പെന്റ് ചെയ്തത്. കഴിഞ്ഞ ആഴ്ച്ച ആലങ്ങാട് കാരുകുന്ന് പ്രദേശത്ത് എക്‌സൈസ് നടത്തിയ പരിശോധനയിൽ ജായിയുടെ വീട്ടിൽ നിന്നും 8 ലിറ്റർ വാറ്റു ചാരായയും വാഷും പിടികൂടിയിരുന്നു. 35 ലിറ്റർ വാഷാണ് ഉണ്ടായിരുന്നത്. സംഭവത്തെ തുടർന്ന് ഒളിവിൽ പോയ ജോയിയെ പിടികൂടാനായിട്ടില്ല.രഹസ്യവിവരം ലഭിച്ചതിനെ തുടർന്ന് പറവൂർ എക്‌സൈസ് റേഞ്ച് ഇൻസ്‌പെക്ടർ തോമസ് ദേവസ്സിയുടെ നേതൃത്വത്തിലായിരുന്നു പരിശോധന.
