പ്രവിത്താനത്ത് കുറുനരികളുടെ ആക്രമണം
പ്രവിത്താനം: പ്രവിത്താനത്ത് കുറുനരികളുടെ ആക്രമണം. വീട്ടില്‍ വളര്‍ത്തിയിരുന്ന 13 വാത്തകളെ കുറുനരികള്‍ കടിച്ചു കൊന്നു. പ്രവിത്താനം പഞ്ഞിക്കുന്നേല്‍ റോയിയുടെ വീട്ടില്‍ വളര്‍ത്തിയിരുന്ന വാത്തകളെയാണ് നരികള്‍ കൊന്നത്.ഇന്നലെ ഉച്ചയോടെയാണ് സംഭവം. വാത്തകളെ വീടിനു സമീപം പാടത്ത് തീറ്റതേടാന്‍ ഇറക്കിവിട്ടതായിരുന്നു. അപ്പോഴാണ് ആക്രമണം നടന്നത്. കഴിഞ്ഞ ദിവസങ്ങളില്‍ കുറുനരികള്‍ കൂട്ടത്തോടെ എത്തിയിരുന്നെങ്കിലും വീട്ടുകാര്‍ ഓടിച്ചുവിട്ടിരുന്നു.ഒരു വാത്തയ്ക്ക് ഏകദേശം രണ്ടായിരം രൂപയോളം വില വരുമെന്ന് റോയി പറഞ്ഞു.
