കണ്ണൂർ കണ്ണവത്ത് പോലീസ് പരിശോധനയിൽ ഉഗ്രശേഷിയുള്ള എട്ട് നാടൻ ബോംബുകൾ കണ്ടെത്തിയാതായി റിപ്പോർട്ട്
കണ്ണൂർ: കണ്ണൂർ കണ്ണവത്ത് പോലീസ് പരിശോധനയിൽ ഉഗ്രശേഷിയുള്ള എട്ട് നാടൻ ബോംബുകൾ കണ്ടെത്തിയാതായി റിപ്പോർട്ട്. ചാക്കിൽ കെട്ടിയ നിലയിൽ കലുങ്കിനടിയിൽ സൂക്ഷിച്ച രീതിയിലായിരുന്നു ബോംബുകൾ. കണ്ണവം തൊടീക്കളം കിഴവക്കൽ ഭാഗത്ത് നിന്നാണ്കണ്ടെത്തിയത്. കലുങ്കിനടിയിൽ സൂക്ഷിച്ച നിലയിലായിരുന്നു ബോംബുകൾ .ജില്ലയിൽ ഉപരാഷ്ട്രപതിയുടെ സന്ദർശനത്തിന്റെ ഭാഗമായി പോലീസ് നടത്തിയ കർശന പരിശോധനയിലാണ് ബോംബുകൾ കണ്ടെത്തിയത്. പോലീസ് ബോംബുകളെ സുരക്ഷിത സ്ഥാനത്തേക്ക് മാറ്റി നിർവീര്യമാക്കിയിട്ടുണ്ട്. പരിശോധന കർശനമായി നടക്കുകയാണ്. എന്നാൽ ബോംബ് ഇവിടെ ആര്? എന്തിന് സൂക്ഷിച്ചതെന്നുള്ള കാര്യം വ്യക്തമല്ല. ഇതിനെ കുറിച്ച് കൂടുതലായൊന്നും കണ്ടെത്താൻ പൊലീസിന് ഇതുവരെ കഴിഞ്ഞിട്ടില്ല.
