യുഡിഎഫ് സെക്രട്ടറിയുമായിരുന്ന ജോണി നെല്ലൂർ പുതിയ പാർട്ടി രൂപീകരിച്ചു

എറണാകുളം: മുൻ കേരളാ കോൺഗ്രസ് ജോസഫ് നേതാവും യുഡിഎഫ് സെക്രട്ടറിയുമായിരുന്ന ജോണി നെല്ലൂർ പുതിയ പാർട്ടി രൂപീകരിച്ചു. നാഷണൽ പ്രോഗ്രസീവ് എന്നാണ് പുതിയ പാർട്ടിയുടെ പേര്. വിവി അഗസ്റ്റിൽ ചെയർമാനും ജോണി നെല്ലൂർ വൈസ് ചേർമാനുമായ പുതിയ പാർട്ടിയാണ് രൂപികരിച്ചത്. പുതിയ പാർട്ടി ഒരു മുന്നണിക്കും എതിരല്ലെന്നും ആരോടും അമിതമായ മമതയുമില്ലെന്നും ചെയർമാൻ വിവി അഗസ്റ്റിൽ പറഞ്ഞു.കർഷകരുടെ ആവശ്യങ്ങൾ നേടിയെടുക്കുക എന്നതാണ് പാർട്ടിയുടെ ഉദ്ദേശലക്ഷ്യം. കേരളത്തിലെ റബ്ബർ കർഷകർക്ക് 300 രൂപ വില ലഭിക്കണം, അതിനായി സമര മുഖത്ത് പാർട്ടി ഉണ്ടാകും. അടുത്ത ആഴ്ച പാർട്ടിയുടെ പേരിനും പതാകയ്ക്കും വേണ്ടി തെരഞ്ഞെടുപ്പ് കമ്മീഷന് അപേക്ഷ നൽകും. എല്ലാ മതത്തിൽപ്പെട്ട ആളുകളും എല്ലാ ജില്ലകളിൽ നിന്നുള്ള ആളുകളും പാർട്ടിയിൽ ഉണ്ട്. ഈ രാജ്യത്തെ കർഷകരുടെ ആവശ്യങ്ങൾ പറയുകയാണ് ലക്ഷ്യം, അവരെ സഹായിക്കാൻ മുന്നോട്ട് വരുമെന്നും പാർട്ടി ചെയർമാൻ വിവി അഗസ്റ്റിൻ മാധ്യമങ്ങളോട് പറഞ്ഞു. വയനാടിനെ വിറപ്പിച്ച കടുവ ഇനി പൂര നഗരിയിലേക്ക്അതേസമയം ബഫർ സോണിൽ നിന്ന് കേരളത്തെ പൂർണമായും ഒഴിവാക്കണമെന്നും വന്യമൃഗങ്ങളുടെ ആക്രമണങ്ങളിൽ നിന്ന് ജനങ്ങൾ മരിക്കുന്നത് തടയാൻ കേന്ദ്രവും സംസ്ഥാനവും സംയുക്തമായി ശ്രമിക്കണമെന്നും പാർട്ടി വൈസ് ചെയർമാൻ ജോണി നെല്ലൂർ പറഞ്ഞു. ഒപ്പം ക്രൈസ്തവ ന്യൂനപക്ഷം ആശങ്കയിലാണെന്നും ക്രൈസ്തവ വിഭാഗത്തിന് ഭരണഘടന വാഗ്ദാനം ചെയ്യുന്ന അവകാശം ലഭിക്കുന്നില്ലെന്നും കേന്ദ്രം ഈ പ്രശ്നം പരിഹരിക്കണമെന്നും ജോണി നെല്ലൂർ പാർട്ടി പ്രഖ്യാപന വേളയിൽ പറഞ്ഞു.24 ന് കൊച്ചിയിൽ സന്ദർശനത്തിന് എത്തുന്ന പ്രധാന മന്ത്രിയുമായി കൂടികാഴ്ച്ച നടത്തുമോ എന്ന മാധ്യമങ്ങളുടെ ചോദ്യത്തിന് പ്രധാനമന്ത്രിയെ കാണണം എന്നുണ്ടെങ്കിൽ ഡൽഹിയിൽ ചെന്ന് കാണുമെന്നായിരുന്നു ചെയർമാന്റെ മറുപടി. സണ്ണി തോമസ്, അഡ്വക്കേറ്റ് ജോയ് എബ്രഹാം, തമ്പി എരുമേലിക്കര, സി പി സുഗതൻ , എലിസബത്ത് ജെ കടവൻ എന്നിവർ പാർട്ടിയുടെ ജനറൽ സെക്രട്ടറിമാരാണ്.