ഇന്ദിരാ ഗാന്ധി അന്താരാഷ്‌ട്ര വിമാനത്താവളത്തിൽ സ്വർണ്ണവേട്ട
ന്യൂഡൽഹി: ഇന്ദിരാ ഗാന്ധി അന്താരാഷ്‌ട്ര വിമാനത്താവളത്തിൽ സ്വർണ്ണവേട്ട. 75 ലക്ഷം രൂപ വിലമതിക്കുന്ന 1400 ഗ്രാം സ്വര്‍ണ്ണം കസ്റ്റംസ് പിടികൂടി. വിമാനത്തിന്റെ ശൗചാലയത്തിൽ നിന്നാണ് സ്വർണ്ണം കസ്റ്റംസ് കണ്ടെത്തിയത്.കഴിഞ്ഞ ദിവസം കസ്റ്റംസ് ഉദ്യോഗസ്ഥർക്ക് കിട്ടിയ വിവരത്തിന്റെ അടിസ്ഥാനത്തില്‍ നടത്തിയ പരിശോധനയില്‍ ആണ് സ്വര്‍ണ്ണം കണ്ടെത്തിയത്.വിമാനത്തിന്റെ സ്റ്റാർ ബോർഡ് സൈഡ് ലാവേറ്ററിയുടെ മുകൾ വശത്തെ പാനലിൽ സ്വർണ്ണം ഒളിപ്പിച്ച നിലയിലാണ് കണ്ടെത്തിയത്. കൂടുതൽ അന്വേഷണം നടത്തിവരികയാണെന്നും കസ്റ്റംസ് അറിയിച്ചു.
