ജന്മദിനാശംസ അറിയിച്ചതിൽ എന്റെ സുഹൃത്ത് പ്രസിഡന്റ് ട്രംപിന് നന്ദി’; നരേന്ദ്ര മോദി

75-ാം ജന്മദിനത്തിൽ ആശംസ അറിയിച്ച അമേരിക്കൻ പ്രസിഡൻ്റ് ഡോണൾഡ് ട്രംപിനോട് നന്ദി പറഞ്ഞ് പ്രധാനമന്ത്രി നരേന്ദ്ര മോദി. ഇന്ത്യ-അമേരിക്ക പങ്കാളിത്തം “പുതിയ ഉയരങ്ങളിലേക്ക്” കൊണ്ടുപോകുമെന്നും അദ്ദേഹം പറഞ്ഞു. എക്സിൽ പോസ്റ്റ് ചെയ്ത ഒരു കുറിപ്പിൽ, പ്രധാനമന്ത്രി മോദി ഡോണൾഡ് ട്രംപിനെ “സുഹൃത്ത്” എന്ന് വിശേഷിപ്പിക്കുകയും സമഗ്രവും ആഗോളവും തന്ത്രപരമായ പങ്കാളിത്തം ശക്തിപ്പെടുത്താനുള്ള രണ്ട് നേതാക്കളുടെയും പ്രതിബദ്ധത ആവർത്തിക്കുകയും ചെയ്തു.“എൻ്റെ സുഹൃത്ത്, പ്രസിഡൻ്റ് ട്രംപ്, എൻ്റെ 75-ാം ജന്മദിനത്തിൽ ഫോണിൽ വിളിച്ച് ഊഷ്മളമായ ആശംസകൾ അറിയിച്ചതിന് നന്ദി. നിങ്ങളെപ്പോലെ, ഇന്ത്യ-അമേരിക്ക സമഗ്രവും ആഗോളവുമായ പങ്കാളിത്തം പുതിയ ഉയരങ്ങളിലേക്ക് കൊണ്ടുപോകാൻ ഞാനും പൂർണ്ണമായും പ്രതിജ്ഞാബദ്ധനാണ്,” പ്രധാനമന്ത്രി മോദി കുറിച്ചു. “യുക്രെയ്ൻ സംഘർഷത്തിന് സമാധാനപരമായ പരിഹാരം കാണാനുള്ള നിങ്ങളുടെ ശ്രമങ്ങളെ ഞങ്ങൾ പിന്തുണയ്ക്കുന്നു.” പ്രധാനമന്ത്രി ട്രംപിൻ്റെ നയതന്ത്രപരമായ നീക്കങ്ങളെ പിന്തുണച്ചുകൊണ്ട് ഇങ്ങനെ കൂട്ടിച്ചേർത്തു.