കഴക്കൂട്ടം ചെങ്കോട്ടുകോണത്ത് സ്കൂൾ വിദ്യാർത്ഥി ഫ്ലാറ്റിൽ നിന്നും ചാടി മരിച്ചു

തിരുവനന്തപുരം : കഴക്കൂട്ടം ചെങ്കോട്ടുകോണത്ത് സ്കൂൾ വിദ്യാർത്ഥി ഫ്ലാറ്റിൽ നിന്നും ചാടി മരിച്ചു. ശ്രീകാര്യം സ്വദേശി യും കഴക്കൂട്ടം സ്വകാര്യ സ്കൂളിലെ ഒമ്പതാം ക്ലാസ് വിദ്യാർത്ഥി പ്രണവ് (14) ആണ് മരിച്ചത്. പ്രണവിൻ്റെ മുത്തച്ഛൻ്റെ ഉടമസ്ഥതയിലുള്ള ഫ്ലാറ്റിലെ പതിനാറാമത്തെ നിലയിൽ നിന്നാണ് പ്രണവ് വീണത്. ഈ ഫ്ലാറ്റിൽ ആൾതാമസം ഇല്ലായിരുന്നു. സ്കൂൾ വിട്ട് വീട്ടിൽ പോകാതെ ഫ്ലാറ്റിലെത്തി താക്കോൽ വാങ്ങി മുന്നിലത്തെ വാതിൽ പൂട്ടി താഴേക്ക് ചാടുകയായിരുവെന്നാണ് പൊലീസ് പറയുന്നത് ‘ ആത്മഹത്യ ആണെന്നാണ് പ്രാഥമിക നിഗമനം. ഫ്ലാറ്റിന്റെ ഉടമസ്ഥനായ മുത്തച്ഛൻ വിദേശത്താണ്. സംഭവത്തില്‍ പോത്തൻകോട് പൊലീസ് കേസെടുത്ത് അന്വേഷണം ആരംഭിച്ചു.