പാളയം രക്തസാക്ഷി മണ്ഡപത്തിന് സമീപം ബൈക്ക് കത്തിനശിച്ചു

തിരുവനന്തപുരം : പാളയം രക്തസാക്ഷി മണ്ഡപത്തിന് സമീപം ബൈക്ക് കത്തിനശിച്ചു . പൾസർ ബൈക്കാണ് കത്തിനശിച്ചത് കെ.എൽ 02 ബിസി 4615 എന്ന നമ്പറിലുള്ള ബൈക്കാണ് ഇന്ന് വൈകിട്ട് നാലരയോടെ അപകടത്തിന് ഇരയായത്. എൻജിനിലെ സ്പാർക്ക് മൂലമുണ്ടായ ഷോർട്ട് സർക്യൂട്ടാവാം അപകടകാരണമെന്നാണ് പ്രാഥമിക നിഗമനം. ചെങ്കൽച്ചുളയിൽ നിന്ന് ഫയർഫോഴ്സിന്റെ രണ്ട് യൂണിറ്റ് എത്തിയാണ് തീ അണച്ചത്. കരുനാഗപ്പള്ളി സ്വദേശി അരുൺ ബാബുവിന്റെ ഉടമസ്ഥതയിലുള്ള വാഹനമാണിത്.അപകടം നടക്കുമ്പോൾ അരുൺ ബാബുവിന്റെ സുഹൃത്ത് ശരത്താണ് വാഹനം ഓടിച്ചിരുന്നത്. ബൈക്കിൽ നിന്നും പുക ഉയരുന്നത് കണ്ട് ശരത്ത് ഇറങ്ങി മാറിയതിനാൽ വൻ അപകടം ഒഴിവായി .സംഭവം നടക്കുമ്പോൾ ശരത്തിന്റെ സുഹൃത്തും വാഹനത്തിൽ ഉണ്ടായിരുന്നു. ഏകദേശം ഒന്നര ലക്ഷം രൂപയുടെ നഷ്ടം കണക്കാക്കുന്നു. അസിസ്റ്റന്റ് സ്റ്റേഷൻ ഓഫീസർ മധു ഗ്രേഡ് അസി: സ്റ്റേഷൻ ഓഫീസർ നോബിൾ എന്നിവരുടെ നേതൃത്വത്തിലുളള സംഘമാണ് തീ അണച്ചത്. സ്ഥലത്തെത്തിയ കൻറോൺമെന്റ് പോലീസ് എഫ് .ഐ .ആർ രജിസ്റ്റർ ചെയ്തു.