മാവേലി എക്സ്പ്രസ് ട്രെയിൻ ട്രാക്ക് മാറിക്കയറി : വൻ അപകടം തലനാരിഴയ്ക്ക് ഒഴിവായി
കാസര്‍കോട്: മാവേലി എക്സ്പ്രസ് ട്രെയിൻ ട്രാക്ക് മാറിക്കയറി. ഇന്ന് വൈകിട്ട് 6.35ന് കാഞ്ഞങ്ങാട് റെയിൽവേ സ്റ്റേഷനിലാണ് സംഭവം.മംഗലാപുരത്തുനിന്ന് തിരുവനന്തപുരത്തേക്ക് പോകുന്ന 16603 ട്രെയിൻ ആണ് ബൈ ട്രാക്ക് കയറിയത്. ഈ ട്രാക്കില്‍ മറ്റ് ട്രെയിനുകള്‍ ഇല്ലാഞ്ഞതിനാല്‍ വൻ അപകടം ഒഴിവായി.സിഗ്നല്‍ നല്‍കിയതിലെ പിഴവാണ് ട്രെയിൻ ട്രാക്ക് മാറാൻ കാരണമെന്നാണ് പ്രാഥമിക നിഗമനം. ഇതേ ട്രാക്കില്‍ നിര്‍ത്തി യാത്രക്കാരെ ഇറക്കിയ ശേഷം ട്രെയില്‍ യാത്ര തുടര്‍ന്നു.ട്രാക്ക് ഒന്നിലേക്ക് കയറേണ്ട ട്രെയിൻ സിഗ്നല്‍ മാറി ലഭിച്ചതിനാല്‍ മധ്യഭാഗത്തുള്ള ട്രാക്കിലേക്ക് കയറുകയായിരുന്നു. സംഭവത്തില്‍ റെയില്‍വേ അന്വേഷണം ആരംഭിച്ചിട്ടുണ്ട്.
