സ്വകാര്യബസ് ഇടിച്ച് ബൈക്കിൽ സഞ്ചരിച്ച കെഎസ്ആർടിസി സ്റ്റേഷൻ മാസ്റ്റർക്ക് പരിക്ക്
തൊടുപുഴ: സ്വകാര്യബസ് ഇടിച്ച് ബൈക്കിൽ സഞ്ചരിച്ച കെഎസ്ആർടിസി സ്റ്റേഷൻ മാസ്റ്റർക്ക് പരിക്ക്. കുമാരമംഗലം സ്വദേശി എൻ.അഭിലാഷി(42)നാണ് തലയ്ക്കും കൈകൾക്കും പരിക്കേറ്റത്.ഇന്നലെ വൈകുന്നേരം 5.30-ന് വെങ്ങല്ലൂർ പള്ളിപ്പടിയിൽ ആണ് അപകടം നടന്നത്. ഡ്യൂട്ടി കഴിഞ്ഞ് വീട്ടിലേക്ക് പോകും വഴിയാണ് അപകടം നടന്നത്. അടിമാലി റൂട്ടിൽ സർവീസ് നടത്തുന്ന സ്വകാര്യ ബസ് തട്ടി ബൈക്ക് ബസിനടിയിൽപ്പെടുകയായിരുന്നു.അപകടത്തിൽ ഗുരുതര പരിക്കേറ്റ അഭിലാഷിനെ ആദ്യം തൊടുപുഴയിൽ സ്വകാര്യ ആശുപത്രിയിൽ എത്തിച്ച് പ്രഥമ ശുശ്രൂഷ നൽകിയ ശേഷം ആലുവ രാജഗിരി ആശുപത്രിയിൽ പ്രവേശിപ്പിച്ചു.
