പാടുന്നതിനിടെ ചൈന മൈക്ക് പൊട്ടിത്തെറിച്ചു :ആറ് വയസുകാരിക്ക് പരുക്ക്

മലപ്പുറം : പാടുന്നതിനിടെ കരോക്കെ മൈക്ക് പൊട്ടിത്തെറിച്ച് ആറ് വയസുകാരിക്ക് പരിക്കേറ്റു. മണ്ണാർക്കാട് കല്ലടിക്കോട് ഇക്കഴിഞ്ഞ ഞായറാഴ്ചയാണ് സംഭവമുണ്ടായത്. കല്ലടിക്കോട് സ്വദേശി ഫിറോസ് ബാബുവിന്റെ മകൾ ഫിൻസ ഐറിൻ എന്ന കുട്ടിക്കാണ് പരുക്കേറ്റത്.ഓൺലൈനിൽ വാങ്ങിയ മൈക്കാണ് പൊട്ടിത്തെറിച്ചത്. കുട്ടി സ്വയം റെക്കോർഡ് ചെയ്ത വീഡിയോയിൽ മൈക്ക് പൊട്ടിത്തെറിക്കുന്നതും കാണാം.അതേസമയം,മൈക്ക് മുഖത്തിൽ നിന്നും അൽപം അകലെ പിടിച്ചാണ് കുട്ടി പാടിയിരുന്നത്. അതുകൊണ്ടാണ് വലിയ പരുക്കുകൾ ഏൽക്കാതെ രക്ഷപ്പെട്ടത്.ചുണ്ടിന്റെ ഭാഗത്ത് മാത്രമാണ് പരുക്കേറ്റിരിക്കുന്നത്. ഓൺലൈനിൽ നിന്നും 600 രൂപക്കാണ് മൈക്ക് വാങ്ങിയത്. മൈക്കിന്റെ കമ്പനി വ്യക്തമല്ലാത്തതിനാൽ പരാതി നൽകാൻ സാധിക്കില്ലെന്നാണ് കുടുംബം പറയുന്നത്.