തിരുവനന്തപുരത്ത് യുവാവിന്‍റെ കാൽ വെട്ടിമാറ്റി
തിരുവനന്തപുരം: ആറ്റുകാൽ പാടശേരിയിൽ യുവാവിന്‍റെ കാൽ വെട്ടിമാറ്റി. പാടശേരി സ്വദേശി ശരത്തിനാണ് വെട്ടേറ്റത്. കുടിപ്പകയാണ് ആക്രമണത്തിന് പിന്നിലെന്ന് സംശയിക്കുന്നു. ശരത്തിന്‍റെ പരിക്കുകൾ ഗുരുതരമാണ്. ബിജു, ശിവൻ എന്നിവർ ചേർന്നാണ് ഇയാളെ വെട്ടിയതെന്നും നേരത്തെ ഒരേ ഗുണ്ടാ സംഘങ്ങളിൽ ഉൾപ്പെട്ടവരായിരുന്നു ഇവരെന്നുമാണ് റിപ്പോർട്ട്. കഴിഞ്ഞ ദിവസം സ്ഥലത്ത് ഒരു ഓട്ടോ അടിച്ചു തകർത്തതിൽ പ്രശ്നം നിലനിന്നിരുന്നു. ഇതിന്‍റെ തുടർച്ചയാണ് അക്രമമെന്നാണ് നിഗമനം. ഫോർട്ട് പൊലീസ് അന്വേഷണം തുടങ്ങി.
