തലസ്ഥാനത്തെ പ്രമുഖ ചാനലായ EN 24 ന്യൂസും ഐ. മീഡിയ ന്യൂസും സംയുക്തമായി ഓണഘോഷപരിപാടി സംഘടിപ്പിച്ചു
തിരുവനന്തപുരം : തലസ്ഥാനത്തെ പ്രമുഖ ചാനലായ EN 24 ന്യൂസും ഐ. മീഡിയ ന്യൂസും സംയുക്തമായി ഓണഘോഷപരിപാടി സംഘടിപ്പിച്ചു. നാഷണൽ ക്ലബ്ബിൽ നടത്തിയ ഓണാഘോഷ പരിപാടി കെ.മുരളീധരൻ എം.പി ഉദ്ഘാടനം ചെയ്തു സംസാരിച്ചു. സമൂഹത്തിലെ എല്ലാ വിവിധ ജാതിക്കാരും മതക്കാരും ഒന്നിച്ചു ആഘോഷിക്കുന്ന കേരളീയ ഉത്സവമാണ് ഓണാഘോഷം. അത്തരത്തിലെ ഒരു ആഘോഷത്തെ മാധ്യമരംഗത്തെ പ്രമുഖരായ EN 24 ന്യൂസും ഐ. മീഡിയ ന്യൂസും സംയുക്തമായി സംഘടിപ്പിച്ച ഈ ഓണാഘോഷ പരിപാടി മാധ്യമരംഗത്ത് തന്നെ മാതൃകയാകണമെന്നും . ഇവിടെ ഒത്തുകൂടിയ എല്ലാവർക്കും എന്റെ ഹൃദയം നിറഞ്ഞ ഓണാഘോഷ ആശംസകൾ നേരുന്നുവെന്നും കെ.മുരളീധരൻ വ്യക്തമാക്കി.
കൂടാതെ ഐ. മീഡിയ ന്യൂസും EN 24 ന്യൂസും സംയുക്തമായി നടത്തിയ ഓണാഘോഷ പരിപാടിയിൽ Win എന്ന സിനിമയുടെപൂജ നിർവഹണം പ്രമുഖ ചലച്ചിത്ര നടനും സംസ്ഥാന ചലച്ചിത്ര അക്കാദമി വൈസ് ചെയർമാനുമായ പ്രോംകുമാർ നിലവിളക്കിൽ തിരികൊളുത്തി നിർവഹിച്ചു. സിനിമയുടെ ഉദ്ഘാടനം കെ.മുരളിധരൻ എം.പി സ്വീച്ച് ഓൺ ചെയ്തു നിർവഹണം നടത്തി . സിനിമയുടെ വിജയത്തിനു എല്ലാവരും സഹായവും സഹകരണവും ഉണ്ടാകണമെന്ന് win സിനിമയുടെ സംവിധായകൻ പ്രൊമോദ് കൃഷ്ണ പറഞ്ഞു.
തുടർന്ന് ശാസ്തമംഗലം വാർഡ് കൗൺസിലർ അധ്യക്ഷത വഹിച്ച ഓണാഘോഷ ചടങ്ങിൽ കലാ- സാമൂഹിക, സാംസ്കാരിക , മാധ്യമരംഗത്ത് മികച്ച പ്രകടനം കാഴ്ചവച്ച വ്യക്തികൾക്ക് കെ. മുരളീധരൻ എം.പി അവാർഡ് നൽകി ആദരിച്ചു.
കാര്യപാരിപാടി ചടങ്ങിൽ EN 24 News ചെയർമാൻ ഗിരിജാ വല്ലഭൻ സ്വാഗതം പറഞ്ഞു. EN 24 NEWS മാനേജിംഗ് ഡയറക്ടർ രമേഷ് വി.ദേവ് ആമുഖ പ്രഭാഷണം നടത്തി. മുഖ്യാതിഥിയായി ചലിത്ര താരം ശ്രീലതാ നമ്പൂതിരി , ആശംസ പ്രസംഗം ചലച്ചിത്ര നടൻ രജിത് കുമാർ , ഐ. മീഡിയ മാനേജിംഗ് ഡയറക്ടർ ഷീജാ പേഴുംമൂട് , ഡോ സ്കന സ്വാമി പിള്ള , മാനേജിംഗ് ഡയറക്ടർ ആത്രേയ ആയൂർവേദ ആശുപത്രി, സി.ഇ.ഒ ക്രസ്റ്റ് മീഡിയ ഹൗസ് ഉണ്ണികൃഷ്ണൻ കുന്നത്ത് എന്നിവർ സംസാരിച്ചു.
