ആളൊഴിഞ്ഞ ഫ്ളാറ്റില്‍ നിന്ന് എല്ലിന്‍ കഷണങ്ങള്‍ കണ്ടെത്തിയ സംഭവത്തിലെ ദുരൂഹത നീക്കി പൊലീസ്
കൊച്ചി: ആളൊഴിഞ്ഞ ഫ്ളാറ്റില്‍ നിന്ന് എല്ലിന്‍ കഷണങ്ങള്‍ കണ്ടെത്തിയ സംഭവത്തിലെ ദുരൂഹത നീക്കി പൊലീസ്. എല്ലിന്‍ കഷണം മൃഗത്തിന്‍റേതാണെന്ന് കണ്ടെത്തിയതായി പനങ്ങാട് പൊലീസ് അറിയിച്ചു. ഫോറന്‍സിക് വിഭാഗത്തിന്‍റെയും വെറ്ററിനറി സര്‍ജന്‍റെയും പരിശോധനയിലാണ് ഇക്കാര്യം സ്ഥിരീകരിച്ചത്.മരടിലെ നെട്ടൂര്‍ ഐഎന്‍ടിയുസി ജംഗ്ഷന് സമീപത്തെ നിര്‍മാണം പൂര്‍ത്തിയാവാത്ത ഫ്ളാറ്റിലാണ് എല്ലിന്‍ കഷണങ്ങള്‍ കണ്ടത്. ഇത് കണ്ടവര്‍ അസ്ഥിക്കഷണങ്ങളുടെ ഫോട്ടോയും മറ്റും പൊലീസിന് നല്‍കിയതോടെയാണ് മനുഷ്യന്‍റേതാണെന്ന സംശയത്തില്‍ പൊലീസ് പരിശോധന നടത്തിയത്.
