മണിപ്പൂരിൽ സംഘർഷം : കേന്ദ്ര മന്ത്രി അമിത്ഷായുടെ ഡൽഹിയിലെ വസതിക്കു മുന്നിൽ പ്രതിഷേധം

ന്യൂഡൽഹി: മണിപ്പൂരിൽ സംഘർഷം തുടരുന്നതിനിടെ കേന്ദ്ര മന്ത്രി അമിത് ഷായുടെ ഡൽഹിയിലെ വസതിക്കു മുന്നിൽ പ്രതിഷേധവുമായി കുകി വനിതാ ഫോറം. ആഭ്യന്തര മന്ത്രി വാഗ്ദാനം ചെയ്ത സമാധാനം മണിപ്പൂരിലില്ലെന്നും അടിയന്തര ഇടപെടലുണ്ടാകണമെന്നും ആവശ്യപ്പെട്ടാണ് പ്രതിഷേധം.സംഘർഷം തടയുന്നതിൽ സംസ്ഥാന സർക്കാർ പരാജയപ്പെട്ടെന്നും കേന്ദ്രം അടിയന്തമായി ഇടപെടണമെന്നും പ്രതിഷേധക്കാർ ആവശ്യപ്പെട്ടു. പ്രതിഷേധക്കാരെ പൊലീസ് അറസ്റ്റു ചെയ്തു നീക്കി.അതേസമയം, ആഭ്യന്തര മന്ത്രിയുടെ സന്ദർശനത്തിനു ശേഷവും സംസ്ഥാനത്ത് സംഘർഷം തുടരുന്നത് കേന്ദ്ര സർക്കാരിന് വലിയ തിരിച്ചടിയായി. ഇരു വിഭാഗങ്ങളുമായി അമിത് ഭാ ചർച്ച നടത്തിയതിനു പിന്നാലെ കഴിഞ്ഞ ദിവസമുണ്ടായ സംഘർഷത്തിൽ 3 പേർ കൊല്ലപ്പെട്ടിരുന്നു. കഴിഞ്ഞ 2 ദിവസവും സംഘർഷക്കാരും സൈന്യവും തമ്മിൽ വെടിവയ്പ്പുണ്ടായതായി റിപ്പോർട്ടുകളുണ്ട്. സംഘർഷം രൂക്ഷമായ സാഹചര്യത്തിൽ ആഭ്യന്തര മന്ത്രാലയം സംസ്ഥാനത്തോട് റിപ്പോർട്ടു തേടിയിട്ടുണ്ട്.