വസ്ത്രങ്ങള്‍ എങ്ങിനെ കഴുകണം എന്ന് കൃത്യമായി വിശദീകരിച്ചിട്ടുണ്ടാകും
നമ്മള്‍ വസ്ത്രങ്ങള്‍ വാങ്ങുമ്പോള്‍ അതില്‍ ആ വസ്ത്രങ്ങള്‍ എങ്ങിനെ കഴുകണം എന്ന് കൃത്യമായി വിശദീകരിച്ചിട്ടുണ്ടാകും. ഈ നിര്‍ദ്ദേശങ്ങള്‍ കൃത്യമായി പാലിച്ച് വസ്ത്രങ്ങള്‍ കഴുകിയാല്‍ നമുക്ക് കുറേകാലം വസ്ത്രങ്ങള്‍ സൂക്ഷിക്കാന്‍ സാധിക്കുന്നതാണ്. ചില വസ്ത്രങ്ങളില്‍ ഡ്രൈ ക്ലീനിംഗ് മാത്രം ചെയ്താല്‍ മതി എന്ന് കൃത്യമായി സൂചിപ്പിച്ചിട്ടുണ്ടാകും.ചില വസ്ത്രങ്ങളില്‍ നല്ലപോലെ എംബ്രോയ്ഡറിയും ബീഡ്‌സ് വര്‍ക്കുമെല്ലാം ഉണ്ടാകാം. ഇത്തരം വസ്ത്രങ്ങള്‍ നമ്മള്‍ കൈകള്‍ ഉപയോഗിച്ച് കഴുകുന്നതാണ് ഏറ്റവും നല്ലത്. ഇത് ഈ വസ്ത്രങ്ങള്‍ കുറേ കാലം ലാസ്റ്റ് ചെയ്യുന്നതിന് സഹായിക്കും. വസ്ത്രങ്ങള്‍ കുറേ കാലം നിലനിര്‍ത്താന്‍ എന്തെല്ലാം ചെയ്യണം എന്ന് നോക്കാം.കറകളയാന്‍ ഈ മാര്‍ഗ്ഗം നോക്കാംഓരോ വസ്ത്രത്തിന്റെ മെറ്റീരിയലിന് അനുസരിച്ച് കറകളയാനുള്ള മാര്‍ഗ്ഗവും വ്യത്യസ്തമായിരിക്കും. മൈക്രോഫൈബര്‍ മെറ്റീരിയലാണ് നിങ്ങളുടെ വസ്ത്രമെങ്കില്‍, ഇതില്‍ കറ ആയാല്‍ ആദ്യം തന്നെ ചെറു ചൂടുവെള്ളത്തില്‍ ഇത് മുക്കി വയ്ക്കുക. അതിനുശേഷം വെള്ളം പിഴിഞ്ഞ് കളഞ്ഞ് ഇതില്‍ ലിക്വിഡ് ഡിറ്റര്‍ജന്റ് പുരട്ടാം. ഇത് കുറച്ചു നേരം ഇങ്ങനെ തന്നെ വെയ്ക്കുക. കുറച്ച് നേരം കഴിയുമ്പോള്‍ കറ മാഞ്ഞ് പോയിട്ടുണ്ടാകും. അതിനുശേഷം വെള്ളത്തില്‍ മുക്കി തണലത്ത് ഇട്ട് ഉണക്കി എടുക്കാവുന്നതാണ്.ഇസ്തിരി ഇട്ട് കളയാംവീട്ടില്‍ സ്റ്റീമര്‍ ഉണ്ടെങ്കില്‍ അതില്‍ സോപ്പും പൊടി ഇട്ട് വസ്ത്രങ്ങള്‍ സ്റ്റീം ചെയ്ത് എടുക്കാവുന്നതാണ്. അല്ലെങ്കില്‍ വസ്ത്രങ്ങളില്‍ കറയായ ഭാഗത്ത് ഡിറ്റര്‍ജന്റ് വെള്ളവും ചേര്‍ത്ത് തേച്ച് വെക്കണം. അതിനുശേഷം ഇസ്തിരിപ്പെട്ടി ഉപയോഗിച്ച് അയേണ്‍ ചെയ്യുന്നത് കറകളയാന്‍ സഹായിക്കും.വസ്ത്രങ്ങള്‍ കഴുകുമ്പോള്‍ ശ്രദ്ധിക്കണംനിറം ഇളകുന്ന വസ്ത്രങ്ങള്‍ വേവ്വേറെയായി കഴുകി എടുക്കാന്‍ ശ്രദ്ധിക്കേണ്ടത് അനിവാര്യമാണ്. കോട്ടന്‍ വസ്ത്രങ്ങളും സില്‍ക്ക് വസ്ത്രങ്ങളും ഒന്നിച്ചാണ് കഴുകാന്‍ എടുക്കുന്നതെങ്കില്‍ കുറച്ച് ഡിറ്റര്‍ജന്റ് മാത്രം എടുക്കുന്നതായിരിക്കും നല്ലത്.വസ്ത്രങ്ങള്‍ കഴുകാന്‍ ഇടുമ്പോള്‍ തണുത്തവെള്ളത്തില്‍ മാത്രം കഴുകാന്‍ മുക്കി വയ്ക്കണം. 30 മിനിറ്റില്‍ കൂടുതല്‍ ഒരിക്കലും സോപ്പുംവെള്ളത്തില്‍ വസ്ത്രങ്ങള്‍ മുക്കി വയ്ക്കരുത്. അതുപോലെ, കഴുകി എടുക്കേണ്ടതും തണുത്തവെള്ളത്തിലായിരിക്കണം. വസ്ത്രങ്ങളിലെ വെള്ളം കളയാന്‍ ഒരു തുണി എടുത്ത് അതില്‍ നനഞ്ഞ വസ്ത്രങ്ങള്‍ ഓരോന്നായി വെച്ച് വെള്ളം പോകുന്നതുവരെ പതുക്കെ ചുരുട്ടി എടുക്കാം.വാഷിംഗ് മെഷീന്‍ ഉപയോഗിച്ച് എങ്ങിനെ ഡ്രൈ ക്ലീന്‍ ചെയ്യാംവലപോലെയിരിക്കുന്ന ഒരു ബാഗില്‍ വസ്ത്രങ്ങള്‍ ആക്കി വാഷിംഗ് മെഷീനില്‍ ഇടുക. ഇതിലേയ്ക്ക് തണുത്ത വെള്ളം തുറന്നിട്ട്, കുറച്ച് സോപ്പും പൊടി മാത്രം ഇട്ട് ടൈം സെറ്റ് ചെയ്യുക. അധിക സമയം അലക്കാന്‍ ഇടാതിരിക്കുന്നതാണ് നല്ലത്. അതിനുശേഷം സ്പിന്നറില്‍ ഇടാതെ, ടവ്വല്‍ ഉപയോഗിച്ച് വസ്ത്രങ്ങളിലെ വെള്ളം കളയുന്നതാണ് നല്ലത്. അതിനുശേഷം കാറ്റ് കൊള്ളിച്ച് ഇവ ഉണക്കി എടുക്കാവുന്നതാണ്.
