കോൺക്രീറ്റു നടപ്പാലം തകർന്നുവീണ് വീട്ടമ്മക്ക് പരിക്കേറ്റു

ഹരിപ്പാട്: കോൺക്രീറ്റു നടപ്പാലം തകർന്നുവീണ് വീട്ടമ്മക്ക് പരിക്കേറ്റു. ആറാട്ടുപുഴ ഒന്നാം വാർഡ് മംഗലം ലക്ഷംവീട് കോളനിയിൽ സുധ(47)ക്കാണ് പരിക്കേറ്റത്.പാലം മധ്യഭാഗംവെച്ച് നടന്നു പോകവെ ഒടിഞ്ഞു വീഴുകയായിരുന്നു. കോൺക്രീറ്റ് പാളികൾക്കിടയിൽ സുധയുടെ കാൽ കുടുങ്ങിപ്പോവുകയായിരുന്നു. കാലിനും തോളെല്ലിനും പരിക്കേറ്റ സുധ ഹരിപ്പാട് താലൂക്ക് ആശുപത്രിയിൽ ചികിത്സതേടി.നാൽപത് വർഷത്തോളം പഴക്കമുള്ള പാലത്തിന്റെ അടിഭാഗം ജീർണിച്ച നിലയിലായിരുന്നു. ഇത് അറിയാതെ കോളനിവാസികൾ ഉൾപ്പെടെ യാത്രക്കായി ഈ പാലം ഉപയോഗിച്ചു വരികയായിരുന്നു.