ചൈന ഉയരത്തിൽ പറക്കുന്ന സ്പൈ ഡ്രോണിനെ വിന്യസിക്കുമെന്ന് റിപ്പോർട്ട്

ചൈനീസ് സൈന്യം ഉടൻ തന്നെ ശബ്‌ദത്തിന്റെ മൂന്നിരട്ടി വേഗതയിൽ സഞ്ചരിക്കുന്ന ഉയരത്തിൽ പറക്കുന്ന സ്‌പൈ ഡ്രോണിനെ വിന്യസിക്കുമെന്ന് വാഷിംഗ്ടൺ പോസ്‌റ്റ് ചൊവ്വാഴ്‌ച റിപ്പോർട്ട് ചെയ്‌തു. യുഎസ് സൈന്യത്തിൽ നിന്നും ചോർന്ന ഒരു റിപ്പോർട്ടിലാണ് ഇക്കാര്യം പറഞ്ഞിരിക്കുന്നത്. നാഷണൽ ജിയോസ്‌പേഷ്യൽ-ഇന്റലിജൻസ് ഏജൻസിയുടെ രഹസ്യ രേഖയാണ് പത്രം ഉദ്ധരിച്ചത്.റോയിറ്റേഴ്‌സിന് സ്വതന്ത്രമായി സ്ഥിരീകരിക്കാൻ കഴിയാത്ത രേഖയിൽ, ഷാങ്ഹായിൽ നിന്ന് ഏകദേശം 350 മൈൽ (560 കിലോമീറ്റർ) ഉള്ളിൽ കിഴക്കൻ ചൈനയിലെ ഒരു എയർ ബേസിൽ രണ്ട് WZ-8 റോക്കറ്റ് പ്രൊപ്പൽഡ് രഹസ്യാന്വേഷണ ഡ്രോണുകൾ കാണിക്കുന്ന ആഗസ്‌റ്റ് 9-ലെ ഉപഗ്രഹ ചിത്രങ്ങളും ഉൾക്കൊള്ളുന്നു.ചൈനയുടെ പീപ്പിൾസ് ലിബറേഷൻ ആർമി (പി‌എൽ‌എ) തങ്ങളുടെ ആദ്യത്തെ ആളില്ലാ വിമാന യൂണിറ്റ് തായ്‌വാനിൽ ചൈനയുടെ പരമാധികാര അവകാശവാദങ്ങൾ നടപ്പിലാക്കുന്നതിന് ഉത്തരവാദികളായ ഈസ്‌റ്റേൺ തിയറ്റർ കമാൻഡിന് കീഴിലുള്ള ബേസിൽ “ഏതാണ്ട് ഉറപ്പായും” സ്ഥാപിച്ചിട്ടുണ്ടെന്ന് യുഎസ് വിശകലനം ചെയ്‌തതായി പത്രം റിപ്പോർട്ട് ചെയ്യുന്നു.