ഇരുതലമൂരി പാമ്പുമായി രണ്ടുപേർ വനം വകുപ്പിന്റെ പിടിയിലായി
Forest department caught two people with double-headed snake
കാട്ടാക്കട: ഇരുതലമൂരി പാമ്പുമായി രണ്ടുപേർ വനം വകുപ്പിന്റെ പിടിയിലായി. കല്ലിയൂർ കാക്കാമൂല കുളങ്ങര സിബിഎസ് ഭവനിൽ അനീഷ് ചന്ദ്രൻ (25), കൊല്ലം പുത്തം കുളം കരിംപാനൂർ തങ്ങൾ വിള വീട്ടിൽ കെ.സലിം (40) എന്നിവരാണ് വനംവകുപ്പിന്റെ പിടിയിലായത്.പാമ്പിനെ വിൽപനയ്ക്ക് ശ്രമിക്കുന്നതിനിടെയാണ് വനം വനപാലകരുടെ പിടിയിലായത്. ഇവർ സഞ്ചരിച്ച ബൈക്കും പിടിച്ചെടുത്തിട്ടുണ്ട്. വെള്ളായണി കായലിനു സമീപത്തു നിന്നാണ് പരുത്തിപള്ളി റേഞ്ച് ഓഫീസർ എൽ. സുധീഷ് കുമാർ, ഡെപ്യൂട്ടി റേഞ്ച് ഓഫീസർ എൻ. സുനിൽ എന്നിവരുടെ നേതൃത്വത്തിലുള്ള വനപാലകസംഘം ഇരുവരെയും അറസ്റ്റ് ചെയ്തത്.പിടിയിലായ പ്രതികളെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.
