ആറ്റുകാലിലെ പൊങ്കാല നിവേദ്യത്തിനു മുമ്പ് ഇക്കുറിയും ആകാശത്തുനിന്ന് പുഷ്പവൃഷ്ടി ഉണ്ടാകും

തിരുവനന്തപുരം : ആറ്റുകാലിലെ പൊങ്കാല നിവേദ്യത്തിനു മുമ്പ് ആകാശത്തുനിന്ന് പുഷ്പവൃഷ്ടി ഉണ്ടാകും. ആറ്റുകാൽ ഭഗവതി ക്ഷേത്രത്തിനു വേണ്ടി ചാക്കയിലെ രാജീവ് ഗാന്ധി അക്കാദമി ഫോർ എവിയേഷൻ ടെക്നോളജിയിലെ വിമാനങ്ങളാണ് പൂക്കൾ വിതറുക. നാലു പതിറ്റാണ്ടായി തുടർന്നുവരുന്ന ഈ ആചാരം തുടങ്ങിവച്ചത് നാട്ടുകാർ മഞ്ഞപ്പക്കി എന്ന് വിളിച്ചിരുന്ന പുഷ്പക് സെസ്ന എഫ് എ 152 എന്ന വിമാനമാണ്. ഇത്തവണ പൂക്കൾ ഇടുന്നത് സെസ്ന 172 ആർ എന്ന വിഭാഗത്തിലുള്ള മൂന്ന് വിമാനങ്ങളാണ്.