മുക്കുപണ്ടം പണയംവെച്ച് തട്ടിപ്പ് പൂന്തുറ സ്വദേശികൾ പിടിയിൽ

തലസ്ഥാനത്തെ വിവിധ ഫിനാൻസ് സ്ഥാപനങ്ങളിൽ മുക്കുപണ്ടം പണയംവെച്ച് പണം തട്ടിയെന്ന പരാതിയിൽ രണ്ട് പേർ അറസ്റ്റിൽ. പൂന്തുറ സ്വദേശികളായ നാസർ (45), ഷർജാദ് (25) എന്നിവരെയാണ് പിടികൂടിയത്. വെള്ളറട ഭാഗത്ത് നിന്നുമാണ് ഇവരെ പിടികൂടിയത്. നെയ്യാർ ഡാം പൊലീസ് സ്റ്റേഷൻ പരിധിയിലെ പരുത്തിപ്പള്ളിയിലും അമ്പൂരിയ്ക്ക് സമീപവുമുള്ള ഫിനാൻസ് സ്ഥാപനങ്ങളിലാണ് മുക്കുപണ്ടം വച്ച് പണം കൈപ്പറ്റിയന്ന് പൊലീസിന് വിവരം ലഭിച്ചത്.ആധാർ കാർഡ് പിന്നീട് എത്തിച്ച് നൽകാമെന്ന് പറഞ്ഞായിരുന്നു പണം വാങ്ങിയത്. തുടർന്ന് ഒക്ടോബർ ഒന്നിന് ഉച്ചയോടെ അമ്പൂരിയ്ക്ക് സമീപം ഫിനാൻസ് സ്ഥാപനത്തിലും സമാന രീതിയിൽ 10 ഗ്രാം തൂക്കമുള്ള വള പണയംവെച്ച് ഒരു ലക്ഷം രൂപ കൈപ്പറ്റിയതായി വിവരം ലഭിച്ചു.ഇവർ വെള്ളറടയിലെത്തി സമാനമായ തട്ടിപ്പ് നടത്താൻ ശ്രമിച്ചപ്പോഴാണ് പിടിയിലായത്. പൊലീസ് തുടർനടപടികൾ സ്വീകരിച്ചുവരികയാണ്.