എയർഫോഴ്സ് അസോസിയേഷൻ കേരള ബ്രാഞ്ചിന്റെ ഓണം ആഘോഷം  

എയർഫോഴ്സ് അസോസിയേഷൻ കേരള ബ്രാഞ്ചിന്റെ ഓണം ആഘോഷം  

എയർ ഫോഴ്സ് അസോസിയേഷൻ (AFA) കേരള ബ്രാഞ്ചിന്റെ ഓണാഘോഷം സെപ്റ്റംബർ 13-ന് ദക്ഷിണ വ്യോമസേനാ ആസ്ഥാനത്തെ ട്രാവൻകൂർ ഓഡിറ്റോറിയത്തിൽ സംഘടിപ്പിച്ചു. ദക്ഷിണ വ്യോമസേനാ മേധാവി എയർ മാർഷൽ ജസ്‌വീർ സിംഗ് മാൻ AVSM, VM മുഖ്യാതിഥിയായിരുന്നു. ഉദ്ഘാടന പ്രസംഗത്തിൽ എയർ മാർഷൽ ജസ്‌വീർ സിംഗ് മാൻ കേരളത്തിന്റെ സമ്പന്നമായ സംസ്കാരത്തെയും ഓണാഘോഷങ്ങളുടെ ഉത്സാഹപൂർണമായ അന്തരീക്ഷത്തെയും പ്രശംസിച്ചു. മുതിർന്ന വ്യോമസേനാ ഉദ്യോഗസ്ഥരും 400-ഓളം മുൻ വ്യോമസേനാംഗങ്ങളും അവരുടെ കുടുംബാംഗങ്ങളും പരിപാടിയിൽ പങ്കെടുത്തു. എയർഫോഴ്സ് അസോസിയേഷൻ കേരള ബ്രാഞ്ച് പ്രസിഡന്റ് എയർ മാർഷൽ I. P. വിപിൻ, AVSM, VM (Retd) അധ്യക്ഷ പ്രസംഗം നടത്തി. ചടങ്ങിൽ എൺപത് വയസ്സ് പൂർത്തിയാക്കിയ മുതിർന്ന മുൻ വ്യോമസേനാ ഉദ്യോഗസ്ഥരെ ആദരിച്ചു. വിവിധ വർണാഭമായ കലാപരിപാടികൾ ആഘോഷങ്ങൾക്ക് മാറ്റുകൂട്ടി. AFFWA റീജിയണൽ പ്രസിഡന്റ് ശ്രീമതി അനിത മാൻ മുൻ വ്യോമസേനാംഗങ്ങളുടെ കുടുംബങ്ങളിലെ മികച്ച വിജയം കൈവരിച്ച കുട്ടികൾക്കുള്ള സമ്മാനങ്ങൾ വിതരണം ചെയ്തു. തുടർന്ന് ആക്കുളം ബോട്ട് ക്ലബ്ബിൽ പരമ്പരാഗത ഓണസദ്യയും സംഘടിപ്പിച്ചു.