കൊച്ചി: മിൽമ എറണാകുളം മേഖലാ യൂണിയനു കീഴിലുള്ള എറണാകുളം ജില്ല ക്ഷീരസംഘം പ്രസിഡന്റുമാരുടെ യോഗം മേഖലാ യൂണിയൻ ചെയർമാൻ സി.എൻ.വത്സലൻപിള്ള ഉദ്ഘാടനം ചെയ്തു. മുൻ ചെയർമാൻ ജോൺ തെരുവത്ത്, ഭരണസമിതി അംഗങ്ങളായ നജീബ്.പി.എസ്, സീനു ജോർജ്ജ്, കെ.സിമാർട്ടിൻ, മാനേജിംഗ് ഡയറക്ടർ വിൽസൺ.ജെ.പുറവക്കാട്ട് എന്നിവർ സംസാരിച്ചു.

ഭരണസമിതി അംഗങ്ങളായ ജോൺസൺ.കെ.കെ, സത്യൻ.ടി.എൻ, താര ഉണ്ണികൃഷ്ണൻ, പോൾ മാത്യു, ഷാജു വെളിയൻ, രാധാകൃഷ്ണൻ, സോണി ഈറ്റക്കൻ, ജോയ്മോൻ, പി ആന്റ് ഐ മാനേജർ ബോബി.പി.എ, ഓഡിറ്റർ ശ്രീജിത്ത് എന്നിവർ പങ്കെടുത്തു.

പൊതുയോഗത്തിന് മുന്നോടിയായിട്ടുള്ള മേഖലാ യൂണിയന്റെ നാല് ജില്ലകളിലെയും പ്രസിഡന്റുമാരുടെയും, സെക്രട്ടറിമാരുടെയും ജില്ലാതല യോഗം അവസാനിച്ചുവെന്ന് ചെയർമാൻ സി.എൻ.വത്സലൻപിള്ള പറഞ്ഞു. മേഖലാ യൂണിയന്റെ വാർഷിക പൊതുയോഗം സെപ്റ്റംബർ മാസം 26 ശനിയാഴ്ച പെരുമ്പാവൂർ മുൻസിപ്പൽ ടൗൺ ഹാളിൽ വെച്ച് നടത്താൻ തീരുമാനിച്ചു.