തൊഴിലുറപ്പ് പദ്ധതിയില് നിന്നും മഹാത്മാഗാന്ധി ഔട്ട്: ഇനി വിബി ജി റാം ജി
മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ പേര് (എംജിഎന്ആര്ഇജിഎ) മാറ്റാനൊരുങ്ങി കേന്ദ്രസര്ക്കാര്. ഇതുസംബന്ധിച്ച ബില് പാര്ലമെന്റില് അവതരിപ്പിച്ചു. വികസിത് ഭാരത് ഗ്യാരന്റി ഫോര് റോസ്ഗാര് ആന്ഡ് അജീവിക മിഷന് (ഗ്രാമീണ് എന്നാണ് പുതിയ പേര്. വിബി ജി റാം ജി എന്നാണ് പദ്ധതിയുടെ ചുരുക്കപ്പേര്. തൊഴില് ദിനങ്ങള് നൂറില് നിന്ന് 125 ആക്കി ഉയര്ത്തിയേക്കും. പദ്ധതിയില് കേന്ദ്രവിഹിതം കുറയും. 60 ശതമാനം തുക കേന്ദ്രം നല്കും. ബാക്കി 40 ശതമാനം സംസ്ഥാനസര്ക്കാരുകള് നല്കണം. നിലവില് 75 ശതമാനമാണ് കേന്ദ്രം നല്കുന്നത്. പ്രതിപക്ഷ എതിര്പ്പിനെ തുടര്ന്ന് ബില് സംയുക്ത പാര്ലമെന്ററി സമിതിക്ക് വിടുമെന്ന് സര്ക്കാര് അറിയിച്ചു.
