പുതിയ സംസ്ഥാന പൊലീസ് മേധാവി; യു പി എസ് സി യോഗം ഇന്ന് ദില്ലിയില്‍
സംസ്ഥാന പൊലീസ് മേധാവിയെ കണ്ടെത്താനുളള യു പി എസ് സി യോഗം ഇന്ന് ദില്ലിയില്‍ ചേരും. കേരളത്തില്‍ നിന്ന് ചീഫ് സെക്രട്ടറിയും നിലവിലെ ഡി ജി പിയും യോഗത്തില്‍ പങ്കെടുക്കും. ആറ് ഐ പി എസ് ഉദ്യോഗസ്ഥരുടെ പട്ടികയാണ് സംസ്ഥാന സര്‍ക്കാര്‍ കേന്ദ്രത്തിന് കൈമാറിയിട്ടുള്ളത്.
യോഗത്തിന് ശേഷം യു പിഎസ് സി മൂന്ന് പേരുടെ ചുരുക്കപ്പട്ടിക സംസ്ഥാന സര്‍ക്കാരിന് കൈമാറും. മുഖ്യമന്ത്രിക്ക് നേരിട്ടോ മന്ത്രിസഭയ്‌ക്കോ പുതിയ പൊലീസ് മേധാവിയെ തെരഞ്ഞെടുക്കാം. നിലവിലെ പൊലീസ് മേധാവി ഷെയ്ഖ് ദര്‍വേഷ് സാഹിബിന്റെ കാലാവധി ഈ മാസം 30ന് കഴിയും. ഈ പശ്ചാത്തലത്തിലാണ് പുതിയ ഡി ജി പിയെ തെരഞ്ഞെടുക്കുന്നത്.
