ധനുവച്ചപുരം വിടിഎം എന്എസ്എസ് കോളേജില് വിദ്യാര്ത്ഥിക്ക് നേരെ എബിവിപി ആക്രമണം

തിരുവനന്തപുരം : തിരുവനന്തപുരം ധനുവച്ചപുരം വിടിഎം എന്എസ്എസ് കോളേജില് വിദ്യാര്ത്ഥിക്ക് നേരെ എബിവിപി ആക്രമണം. രണ്ടാം വര്ഷ ബിരുദ വിദ്യാര്ത്ഥിക്ക് ക്രൂരമര്ദ്ദനമേറ്റു. സംഭവത്തില് പാറശാല പൊലീസ് കേസ് രജിസ്റ്റര് ചെയ്തു അന്വേഷണം ആരംഭിച്ചു.ധനുവച്ചപുരം വിടിഎം എന്എസ്എസ് കോളേജിലെ രണ്ടാം വര്ഷ മലയാളം ബിരുദ വിദ്യാര്ത്ഥിയായ വിജിത്തിനാണ് എബിവിപി പ്രവര്ത്തകരുടെ മര്ദ്ദനമേറ്റത്. കോളേജ് ഗേറ്റിന് സമീപം ബൈക്കില് വരവേ വിജിത്തിനെ തള്ളിയിട്ട് ആയുധങ്ങള് ഉപയോഗിച്ച് ആക്രമിക്കുകയായിരുന്നു. ഇതില് വിജിത്തിന് ഗുരുതരമായി പരുക്കേറ്റു.ഏകദേശം മൂന്ന് മാസം മുന്പ് ശാഖയില് വരാത്തതിനെ ചൊല്ലി എബിവിപി പ്രവര്ത്തകര് വിജിത്തിനെ ആക്രമിച്ചിരുന്നു. ഇതിന്റെ തുടര്ച്ചയായി വ്യാഴാഴ്ചയും ഇവര് തമ്മില് വാക്കുതര്ക്കമുണ്ടായി. ഇതിന്റെ വൈരാഗ്യമാണ് ഇപ്പോളത്തെ ആക്രമണത്തിന് പിന്നിലെന്നാണ് പ്രാഥമിക നിഗമനം.വ്യാഴാഴ്ച കോളേജ് ഗേറ്റിന് സമീപം വെച്ച് വിജിത്തിനെ എബിവിപി പ്രവര്ത്തകര് തടഞ്ഞുനിര്ത്തി ആക്രമിച്ചു. ബൈക്കില് വരുകയായിരുന്ന വിജിത്തിനെ തള്ളിയിട്ട ശേഷം ആയുധങ്ങള് ഉപയോഗിച്ച് മര്ദ്ദിച്ചുവെന്നാണ് പരാതിയില് പറയുന്നത്. സംഭവത്തില് പരുക്കേറ്റ വിജിത്തിനെ അടുത്തുള്ള ആശുപത്രിയില് പ്രവേശിപ്പിച്ചു.വിജിത്തിനെ ആക്രമിച്ച സംഭവത്തില് പാറശാല പൊലീസ് കേസ് രജിസ്റ്റര് ചെയ്ത് അന്വേഷണം ആരംഭിച്ചിട്ടുണ്ട്. പ്രതികളെ പിടികൂടാനുള്ള ശ്രമങ്ങള് ഊര്ജ്ജിതമായി നടക്കുകയാണെന്ന് പൊലീസ് അറിയിച്ചു. സംഭവത്തെക്കുറിച്ച് കൂടുതല് വിവരങ്ങള് ശേഖരിച്ചുവരികയാണെന്നും പൊലീസ് പറഞ്ഞു.വിദ്യാര്ത്ഥിക്കെതിരായ ആക്രമണത്തില് വിവിധ വിദ്യാര്ത്ഥി സംഘടനകള് പ്രതിഷേധവുമായി രംഗത്തെത്തിയിട്ടുണ്ട്. എബിവിപി പ്രവര്ത്തകരാണ് അക്രമം നടത്തിയതെന്ന് മറ്റ് വിദ്യാര്ത്ഥി സംഘടനകള് ആരോപിച്ചു. കോളേജില് സംഘര്ഷാവസ്ഥ നിലനില്ക്കുകയാണ്.