അറുപത്തി മൂന്നാമത് കേരള സ്‌കൂൾ കലോത്സവം 2024 ഡിസംബർ 3 മുതൽ 7 വരെ തിരുവനന്തപുരം ജില്ലയിൽ വച്ച് നടത്തും
കൊച്ചി ∙ അറുപത്തി മൂന്നാമത് കേരള സ്‌കൂൾ കലോത്സവം 2024 ഡിസംബർ 3 മുതൽ 7 വരെ തിരുവനന്തപുരം ജില്ലയിൽ വച്ച് നടത്തും. 24 വേദികളിലായിട്ടാണ് മത്സരങ്ങൾ. സംസ്‌കൃതോത്സവവും അറബിക് സാഹിത്യോത്സവവും ഇതോടനുബന്ധിച്ച് നടക്കുമെന്ന് വിദ്യാഭ്യാസ മന്ത്രി വി.ശിവൻകുട്ടി വ്യക്തമാക്കി. 2015ലാണ് അവസാനമായി തിരുവനന്തപുരത്ത് വച്ച് സംസ്ഥാന കലോത്സവം നടന്നത്. ഈ വർഷത്തെ സംസ്ഥാന സ്‌കൂൾ കായികോത്സവം ഒളിംപിക്‌സ് മാതൃകയിൽ ‘കേരള സ്‌കൂൾ ഒളിംപിക്‌സ് കൊച്ചി ടെന്റി ഫോർ’ എന്ന പേരിൽ നവംബർ 4 മുതൽ 11 വരെ എറണാകുളം ജില്ലയിൽ സംഘടിപ്പിക്കുമെന്നും മന്ത്രി വ്യക്തമാക്കി.
