സ്ട്രോങ് റൂമുകൾ നാളെ രാവിലെ 5.30ന് തുറക്കും
ആര്യനാട് : ചുമട്ടുതൊഴിലാളികൾ സാമൂഹ്യപ്രതിബദ്ധതയോട് കൂടിയാണ് പ്രവർത്തിക്കുന്നതെന്ന് എ ഐ ടി യു സി ജില്ലാ സെക്രട്ടറി മീനാങ്കൽ കുമാർ പറഞ്ഞു. ഹെഡ് ലോഡ് വർക്ക്സ് യൂണിയൻ വലിയ കലങ്ക് യൂണിറ്റ് സംഘടിപ്പിച്ച വിദ്യാർത്ഥികൾക്കുള്ള പഠനോപകരണ വിതരണത്തിന്റെയും നിർധന രോഗികൾക്കുള്ള ചികിത്സ സഹായ വിതരണത്തിന്റെയും ഉദ്ഘാടനം നിർവഹിച്ചുകൊണ്ട് സംസാരിക്കുകയായിരുന്നു അദ്ദേഹം. എസ് രാജൻ നഗറിൽ ചേർന്ന് പൊതുസമ്മേളനത്തിൽ കീഴ്പാല്ലൂർ രാമചന്ദ്രൻ അധ്യക്ഷത വഹിച്ചു. യൂണിറ്റ് കൺവീനർ എഫ് സ്റ്റാൻലി സ്വാഗതം പറഞ്ഞു. സിപിഐ മണ്ഡലം സെക്രട്ടറി എം എസ് റഷീദ്, എഐടിയുസി മണ്ഡലം പ്രസിഡന്റ് പുറുത്തിപ്പാറ സജീവ്, സിപിഐ ലോക്കൽ കമ്മിറ്റി സെക്രട്ടറി ഷിജു സുധാകർ, ഹെഡ് ലോഡ് വർക്കേഴ്സ് യൂണിയൻ മണ്ഡലം സെക്രട്ടറി സെയ്യദ് പെഴുമൂട്, അയിത്തി അശോകൻ, എം കൃഷ്ണൻ, ഗിരീഷ്ചന്ദ്രൻ, ഹരികുമാർ എന്നിവർ പ്രസംഗിച്ചു.സമ്മേളനത്തിൽ തൊഴിലാളികൾക്കുള്ള ഐഡന്റിറ്റി കാർഡും യൂണിഫോമും വിതരണം ചെയ്തു.
