മെഡിക്കല്‍ കോളേജില്‍ യുവാവിന് ക്രൂരമായി മര്‍ദനമേറ്റു
തിരുവനന്തപുരം: മെഡിക്കല്‍ കോളേജില്‍ യുവാവിന് ക്രൂരമായി മര്‍ദനമേറ്റു. വിളപ്പില്‍ശാല സ്വദേശി അനന്ദുവിനാണ് മര്‍ദനമേറ്റത്. മെഡിക്കല്‍ കോളേജ് പോലീസ് അന്വേഷണം ആരംഭിച്ചു.ഇന്നലെ ഉച്ചയോടെ ആയിരുന്നു യുവാവിന് ക്രൂരമര്‍ദനമേറ്റത്. പോലീസ് പറയുന്നത്; യുവാവ് കഴിഞ്ഞ കുറച്ചു ദിവസങ്ങളായി വീട്ടില്‍ നിന്ന് പിണങ്ങി മാറി നില്‍ക്കുകയാണ്. മെഡിക്കല്‍ കോളേജ് പരിസരത്ത് അലഞ്ഞ് തിരിഞ്ഞ് നടക്കുകയും അവിടെ നിന്ന് തന്നെ ആഹാരം കഴിക്കുകയും താമസമാക്കുകയും ചെയ്യുന്ന സാഹചര്യമായിരുന്നു. മെഡിക്കല്‍ കോളേജ് പരിസരത്തുള്ളവര്‍ തന്നെയാണ് യുവാവിനെ മര്‍ദിച്ചതെന്നാണ് പോലീസ് പറയുന്നത്.തടി അടക്കം ഉപയോഗിച്ചാണ് അനന്ദുവിനെ ക്രൂരമായി മര്‍ദിക്കുന്നത്. അടിയേല്‍ക്കുമ്പോള്‍ യുവാവ് ആര്‍ത്തുകരയുന്നതും ദൃശ്യങ്ങളില്‍ കേള്‍ക്കാം. മ്യൂസിയം പോലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു.
