ലോക്‌സഭാ തെരഞ്ഞെടുപ്പ് പ്രചാരണത്തിന്റെ ഭാഗമായി പ്രിയങ്ക ഗാന്ധി ഇന്ന് കേരളത്തിലെത്തും

ലോക്‌സഭാ തെരഞ്ഞെടുപ്പ് പ്രചാരണത്തിന്റെ ഭാഗമായി പ്രിയങ്ക ഗാന്ധി ഇന്ന് കേരളത്തിലെത്തും. രാവിലെ 11.30ന് പ്രത്യേക വിമാനത്തിൽ കൊച്ചിയിലിറങ്ങുന്ന പ്രിയങ്ക ഇവിടെ നിന്ന് ഹെലികോപ്റ്ററിർ ആദ്യ പ്രചാരണ സ്ഥലമായ തൃശ്ശൂർ എരിയാടേക്ക് എത്തും12.15ന് യുഡിഎഫ് സ്ഥാനാർഥി ബെന്നി ബെഹന്നാന്റെ പ്രചാരണ പരിപാടിയിൽ പ്രിയങ്ക പങ്കെടുക്കും. ഉച്ചയ്ക്ക് രണ്ട് മണിക്ക് ഹെലികോപ്റ്ററിൽ പത്തനംതിട്ടയിലേക്ക് തിരിക്കും. യുഡിഎഫ് സ്ഥാനാർഥി ആന്റോ ആന്റണിക്ക് വേണ്ടി പൊതുസമ്മേളനത്തിൽ സംസാരിക്കും. തുടർന്ന് 3.40ന് തിരുവനന്തപുരത്തേക്ക് എത്തും. വൈകുന്നേരം 4.50 വരെ തിരുവനന്തപുരത്ത് ശശി തരൂരിന്റെ പ്രചാരണ പരിപാടിയുടെ ഭാഗമായ റോഡ് ഷോയിലും പൊതുസമ്മേളനത്തിലും പങ്കെടുത്ത ശേഷം രാത്രി 8.45ന് ഡൽഹിയിലേക്ക് മടങ്ങും.