കൊല്ലം ഓയൂരിൽ ആറ് വയസ്സുകാരിയെ തട്ടിക്കൊണ്ടുപോയ സംഘം മറ്റൊരു കുട്ടിയെയും തട്ടിക്കൊണ്ടു പോകാൻ ലക്ഷ്യമിട്ടതായി വിവരം

കൊല്ലം ഓയൂരിൽ ആറ് വയസ്സുകാരിയെ തട്ടിക്കൊണ്ടുപോയ സംഘം മറ്റൊരു കുട്ടിയെയും തട്ടിക്കൊണ്ടു പോകാൻ ലക്ഷ്യമിട്ടതായി വിവരം. പള്ളിക്കൽ മൂതലയിൽ കുട്ടിയെ തട്ടിക്കൊണ്ടുപോകാനുള്ള ശ്രമമുണ്ടായത് തിങ്കളാഴ്ച മൂന്നരയ്ക്കാണ്. മൂതല റോഡിൽ ആയുർവേദ ആശുപത്രിക്ക് സമീപത്താണ് സംഭവം. എന്നാൽ നാട്ടുകാരെത്തിയപ്പോൾ സംഘം ശ്രമം ഉപേക്ഷിക്കുകയായിരുന്നു.ഇതിന് ശേഷമാണ് വ്യാജ നമ്പർ ഘടിപ്പിച്ച സ്വിഫ്റ്റ് ഡിസയർ കാർ ഓയൂർ ഭാഗത്തേക്ക് പോയത്. നാലരയ്ക്ക് ശേഷമാണ് ഓയൂരിൽ നിന്നും അബിഗേലിനെ തട്ടിക്കൊണ്ടുപോയത്. ഇതിനിടെ താന്നിവിളയിൽ നിന്ന് മറ്റൊരു കുട്ടിയെയും തട്ടിക്കൊണ്ടുപോകാൻ ശ്രമിച്ചതായും പരാതിയുണ്ടായിരുന്നു.