സ്കൂട്ടറിൽ നായയെ കെട്ടിവലിച്ച ഉടമയെ കസ്റ്റഡിയിലെടുത്തു

വിഴിഞ്ഞം: സ്കൂട്ടറിൽ നായയെ കെട്ടിവലിച്ച ഉടമയെ കസ്റ്റഡിയിലെടുത്തു. പനങ്ങോട് സൗഗന്ധികത്തിൽ അനിൽകുമാർ (48) നെയാണ് വിഴിഞ്ഞം പൊലീസ് കസ്റ്റഡിയിലെടുത്തത്. ഇയാളുടെ നാടൻ ഇനത്തിലുള്ള വളർത്തു നായയെ 4 മാസം മുൻപ് കാണാതായിരുന്നു. സ്കൂട്ടർ യാത്രയ്ക്കിടെ ഇന്ന മുട്ടയ്ക്കാട് ചിറയിൽ ഭാഗത്ത് വച്ച് യാദൃശ്ചികമായി നായയെ കണ്ടെത്തുകയായിരുന്നു.തുടർന്ന് വീട്ടിലേക്ക് കൊണ്ടുപോകുന്നതിന് വാഹനം കൊണ്ടുവരാൻ ആവശ്യപ്പെട്ടു ഈ വാഹനം വരുന്നതുവരെ കാത്തു നിൽക്കാതെ ഉടമ സമീപത്തു നിന്ന് കയർ വാങ്ങി നായയെ കെട്ടിയ ശേഷം സ്കൂട്ടറുമായി ബന്ധിപ്പിച്ച് ഓടിച്ചു പോകുകയായിരുന്നു. ഇയാളുടെ വാഹനത്തിന് പുറകെ എത്തിയ വ്യക്തി വീഡിയോ പകർത്തി പൊലീസിൽ വിവരം നൽകുകയായിരുന്നു.വിഴിഞ്ഞം പൊലീസ് വീട്ടിലെത്തി ഉടമയെ കസ്റ്റഡിയിലെടുക്കുകയായിരുന്നു. നായയെ പരിശോധിച്ചതിൽ മറ്റ് മുറിവുകൾ ഒന്നും കാണാനില്ലന്നും നാളെവെറ്ററനറി ഡോക്ടെ കാണിക്കുമെന്നും വിഴിഞ്ഞം എസ്.എച്ച്. ഒ പ്രജീഷ് ശശി പറഞ്ഞു.