എട്ടുമാസം പ്രായമുള്ള കുഞ്ഞിന്‍റെ തൊണ്ടയില്‍ വണ്ട് കുടുങ്ങി
കളിക്കുന്നതിനിടെ എട്ടുമാസം പ്രായമുള്ള കുഞ്ഞിന്‍റെ തൊണ്ടയില്‍ വണ്ട് കുടുങ്ങി. കോഴിക്കോട് പാറക്കടവ് സ്വദേശികളായ ദമ്പതികളുടെ കുഞ്ഞിന്‍റെ തൊണ്ടയിലാണ് വണ്ട് കുടുങ്ങിയത്. കഴിഞ്ഞ ദിവസം വൈകിട്ട് കളിക്കുന്നതിനിടെ കുഞ്ഞിന് ശ്വാസം കിട്ടാതാവുകയായിരുന്നു.ഉടൻ ആശുപത്രിയില്‍ എത്തിച്ചു. തുടർന്ന് നടത്തിയ എന്‍ഡോസ്‌കോപിയിലാണ് കൊമ്പന്‍ ചെല്ലി ഇനത്തില്‍പ്പെട്ട വണ്ട് തൊണ്ടയിൽ കുടുങ്ങിയതായി ശ്രദ്ധയില്‍പ്പെട്ടത്. വണ്ടിനെ പുറത്തെടുത്തതായും കുഞ്ഞ് സുഖം പ്രാപിച്ച് വരികയാണെന്നും ഡോക്ടര്‍മാര്‍ അറിയിച്ചു.
