സ്‌കൂട്ടർ യാത്രക്കാരിയെ കടന്നുപിടിച്ച പ്രതികളെ പോലീസ് അറസ്റ്റ് ചെയ്തു

തിരുവനന്തപുരത്ത് സ്‌കൂട്ടർ യാത്രക്കാരിയെ കടന്നുപിടിച്ച പ്രതികളെ പോലീസ് അറസ്റ്റ് ചെയ്തു. വിളപ്പിൽ കരുവിലാഞ്ചി ശാലോംകോണത്ത് പുത്തൻവീട്ടിൽ പ്രസാദ്(42), തൈക്കാട് കണ്ണേറ്റുമുക്ക് വിളയിൽ വീട്ടിൽ ഉണ്ണികൃഷ്ണൻ(33) എന്നിവരാണ് അറസ്റ്റിലായത്. വിളപ്പിൽശാലയിൽ പള്ളിമുക്ക് പള്ളിക്ക് സമീപത്ത് വെച്ചാണ് ഇവർ യുവതിയോട് അതിക്രമം കാണിച്ചത്. കുണ്ടമൺകടവ്-പേയാട് റോഡിലൂടെ സ്‌കൂട്ടർ ഓടിച്ചുവന്ന യുവതിക്ക് നേരെയാണ് അതിക്രമം ഉണ്ടായത്. യുവതിയെ പ്രതികൾ ബൈക്കിൽ പിന്തുടരുകയായിരുന്നു. തുടർന്ന് പള്ളിമുക്ക് മുസ്ലിം പള്ളിക്ക് സമീപമെത്തിയ സമയത്ത് കടന്നുപിടിച്ചു. അന്വേഷണത്തിനൊടുവിൽ കുണ്ടമൺ ഭാഗത്ത് നിന്നാണ് പ്രതികളെ അറസ്റ്റ് ചെയ്തത്.