യുവാവിനെ ദൂരുഹ സാഹചര്യത്തിൽ മരിച്ച നിലയിൽ കണ്ടെത്തി

തിരുവനന്തപുരം : യുവാവിനെ ദൂരുഹ സാഹചര്യത്തിൽ മരിച്ച നിലയിൽ കണ്ടെത്തി. ആറ്റിങ്ങൽ സ്വദേശി സുജി (32) നെയാണ് ആറ്റിങ്ങൽ മേലാറ്റിങ്ങൽ ശങ്കരമംഗലം ക്ഷേത്രക്കടവിന് സമീപം മരണപ്പെട്ട നിലയിൽ കണ്ടെത്തിയത്. ഇന്ന് രാവിലെ ക്ഷേത്രക്കടവിന് സമീപം റബ്ബർപുരയിടത്ത് തേങ്ങ പറക്കാൻ വന്ന ആളാണ് ആദ്യം മൃതദേഹം കണ്ടത്. മൃതദേഹത്തിൽ അടിവസ്ത്രം മാത്രമാണ് കാണപ്പെട്ടത്. സുജി ധരിച്ചിരുന്ന കരുതപ്പെടുന്ന വസ്ത്രങ്ങൾ നദിക്കരയിൽ നിന്നും കണ്ടെത്തി. നദിക്കരയിൽ നിന്നും 100 മീറ്ററോളം മാറിയാണ് മൃതദേഹം കിടന്നത്. നിലവിൽ കടയ്ക്കാവൂർ പോലീസ് തുടർനടപടികൾ സ്വീകരിച്ചു.