പന്തളത്ത് ഡെലിവറി വാനും കെഎസ്ആർടിസി ബസും കൂട്ടിയിടിച്ച് : 2 മരണം
പത്തനംതിട്ട: എംസി റോഡിൽ പന്തളത്ത് ഡെലിവറി വാനും കെഎസ്ആർടിസി ബസും കൂട്ടിയിടിച്ച് ഉണ്ടായ അപകടത്തില്‍ രണ്ട് പേർ മരിച്ചു. എം സി റോഡില്‍ കുരമ്പാല അമ്യത വിദ്യാലയത്തിന് മുന്നിലാണ് അപകടം നടന്നത്.ബുധനാഴ്ച രാവിലെ 6.30 ഓടായിരുന്നു സംഭവം. പന്തളം ഭാഗത്ത് നിന്നും വന്ന ഡെലിവറി വാന്‍ അടൂര്‍ ഭാഗത്ത് നിന്നും വന്ന ബസില്‍ ഇടിക്കുകയായിരുന്നു. ഡെലിവറി വാന്‍ ഓടിച്ചവര്‍ ഉറങ്ങിപ്പോയതാണ് അപകട കാരണം എന്ന് നാട്ടുകാര്‍ പറഞ്ഞു.വാനില്‍ ഉണ്ടായിരുന്ന കിഴക്കമ്പലം സ്വദേശി ജോൺസൺ മാത്യു (48) ആലുവ എടത്തല സ്വദേശി ശ്യാം വിഎസ് (30) എന്നിവരാണ് മരിച്ചത്. ബസ് യാത്രക്കാർക്കും അപകടത്തിൽ പരിക്കേറ്റു. മൃതദേഹങ്ങൾ അടൂർ ജനറൽ ആശുപത്രിയിലേക്ക് മാറ്റിയിട്ടുണ്ട്.
