പുതുപ്പള്ളി ഉപതിരഞ്ഞെടുപ്പുമായി ബന്ധപ്പെട്ട തര്‍ക്കത്തെ തുടര്‍ന്ന് എറണാകുളം കാലടിയില്‍ ഒരാള്‍ക്ക് വെട്ടേറ്റു
പുതുപ്പള്ളി ഉപതിരഞ്ഞെടുപ്പുമായി ബന്ധപ്പെട്ട തര്‍ക്കത്തെ തുടര്‍ന്ന് എറണാകുളം കാലടിയില്‍ ഒരാള്‍ക്ക് വെട്ടേറ്റു. സംഭവവുമായി ബന്ധപ്പെട്ട് സിപിഎം ബ്രാഞ്ച് സെക്രട്ടറിയെ പൊലീസ് കസ്റ്റഡിയിലെടുത്തു. കാലടി പൊതിയക്കര സ്വദേശി കുന്നേക്കാടന്‍ ജോണ്‍സനാണ് ആക്രമണത്തില്‍ പരിക്കേറ്റത്. സിപിഎം പൊതിയക്കര ബ്രാഞ്ച് സെക്രട്ടറി ദേവസിയാണ് ആക്രമിച്ചതെന്ന് വെട്ടേറ്റ ജോണ്സന് പൊലീസിനോട് പറഞ്ഞു.ആക്രമണത്തെ തുടര്‍ന്ന് ദേവസിയെ പൊലീസ് അറസ്റ്റ് ചെയ്തു. തലയ്ക്ക് പരിക്കേറ്റ ജോണ്സന് അങ്കമാലിയിലെ സ്വകാര്യ ആശുപത്രിയില്‍ ചികിത്സയിലാണ്. കഴിഞ്ഞ ദിവസം പുതുപ്പള്ളിയിലെ ഭൂരിപക്ഷവുമായി ബന്ധപ്പെട്ട് പ്രദേശത്ത് തര്‍ക്കം ഉടലെടുത്തിരുന്നു. ലോറി ഡ്രൈവറായ ജോണ്‍സനും ഇത് സംബന്ധിച്ച തര്‍ക്കത്തില്‍ പങ്കാളിയായിരുന്നു.ഇതിന്റെ തുടര്‍ച്ചയായാണ് ആക്രമണം നടന്നത്. ഇന്ന് രാവിലെ പൊതിയക്കരയില്‍ ബൈക്കിലെത്തിയ മൂന്നംഗ സംഘമാണ് ജോണ്‍സനെ ആക്രമിച്ചത്. തലയ്ക്ക് ഗുരുതരമായി പരിക്കേറ്റ ജോണ്സന് ആറു മണിക്കൂര്‍ നീണ്ട ശസ്ത്രക്രിയ നടത്തണമെന്നാണ് ആശുപത്രി അധികൃതര്‍ അറിയിച്ചത്. സംഭവത്തില്‍ പൊലീസ് അന്വേഷണം നടത്തി വരുന്നു.
