പട്ടാപ്പകൽ മധ്യവയസ്കനെ ഭീഷണിപ്പെടുത്തി പണവും മൊബൈൽ ഫോണും കവർന്നു

പാലക്കാട് വടക്കഞ്ചേരിയിൽ പട്ടാപ്പകൽ മധ്യവയസ്കനെ ഭീഷണിപ്പെടുത്തി പണവും മൊബൈൽ ഫോണും കവർന്നു. തേൻകുറിശ്ശി സ്വദേശിയായ ബാലന്റെ മൊബൈൽ ഫോണും പണവുമാണ് രണ്ടുപേർ തട്ടിയെടുത്തത്. സംഭവത്തിൽ വടക്കഞ്ചേരി സ്വദേശിയായ സഞ്ജു , കിഴക്കഞ്ചേരി സ്വദേശി ജിത്തു എന്നിവരെ വടക്കഞ്ചേരി പോലീസ് പിടികൂടി. പെയിന്റിങ് തൊഴിലാളിയായ ബാലൻ ഭക്ഷണം കഴിക്കാൻ പോകുമ്പോഴാണ് ദേശീയപാത വടക്കഞ്ചേരിയിൽ റോയൽ ജംഗ്ഷന് സമീപം , പ്രതികൾ ഭീഷണിപ്പെടുത്തി കവർച്ച നടത്തിയത്. സംഭവത്തിന്റെ CCTV ദൃശ്യങ്ങൾ പുറത്ത് വന്നു. പ്രതികളിൽ ഒരാളായ സഞ്ജു നേരത്തെയും സമാന കേസുകളിൽ ഉൾപ്പെട്ടിട്ടുണ്ട്.