തമിഴ്നാട്ടിലെ ചെങ്കൽപേട്ടിലുണ്ടായ വാഹനാപകടത്തിൽ ആറുപേർ മരിച്ചു

ചെന്നൈ: തമിഴ്നാട്ടിലെ ചെങ്കൽപേട്ടിലുണ്ടായ വാഹനാപകടത്തിൽ ആറുപേർ മരിച്ചു. 10 പേർക്ക് പരിക്കേൽക്കുകയും ചെയ്തു. ഇതിൽ മൂന്നുപേരുടെ നില ഗുരുതരമാണ്.വെള്ളിയാഴ്ച രാവിലെ ചെന്നൈ-ട്രിച്ചി ദേശീയപാതയിൽ പൊത്തേരി ഭാഗത്താണ് അപകടം നടന്നത്. റോഡ് മുറിച്ചുകടക്കാൻ ശ്രമിച്ചവർക്കുനേരെ അമിതവേഗത്തിൽ വന്ന ടിപ്പർ ലോറി ഇടിക്കുകയായിരുന്നു. ആറുപേർ സംഭവസ്ഥലത്തുവച്ചുതന്നെ മരിച്ചു.പരിക്കേറ്റവർ ചെങ്കൽപേട്ടിലെ ആശുപത്രിയിൽ ചികിത്സയിലാണ്. മൃതദേഹങ്ങൾ ആശുപത്രി മോർച്ചറിയിലേക്ക് മാറ്റി. അപകടശേഷം ലോറി ഡ്രൈവർ ഓടി രക്ഷപ്പെട്ടു. സംഭവത്തിൽ പൊലീസ് അന്വേഷണം അന്വേഷണം ആരംഭിച്ചു