ഗുസ്തി ഫെഡറേഷന് മുന്‍ പ്രസിഡന്റ് ബ്രിജ് ഭൂഷണെതിരായ പ്രത്യക്ഷ സമരം അവസാനിപ്പിച്ച് ഗുസ്തി താരങ്ങള്‍
ന്യൂഡല്‍ഹി: ഗുസ്തി ഫെഡറേഷന് മുന്‍ പ്രസിഡന്റ് ബ്രിജ് ഭൂഷണെതിരായ പ്രത്യക്ഷ സമരം അവസാനിപ്പിച്ച് ഗുസ്തി താരങ്ങള്‍. എന്നാല്‍, നിയമപോരാട്ടം തുടരുമെന്ന് താരങ്ങള്‍ സാമൂഹിക മാധ്യമങ്ങളിലൂടെ അറിയിച്ചു. വനിതാ ഗുസ്തി താരങ്ങള്‍ നല്‍കിയ പരാതിയില്‍ രജിസ്റ്റര്‍ ചെയ്ത എഫ്ഐആറില്‍ അന്വേഷണം പൂര്‍ത്തിയാക്കി പൊലീസ് കുറ്റപത്രം സമര്‍പ്പിച്ചതിനാലാണ് ഈ നീക്കമെന്ന് താരങ്ങള്‍ അറിയിച്ചു. നിലവില്‍ അന്താരാഷ്ട്ര മത്സരങ്ങള്‍ക്കായുള്ള പരിശീലനത്തിലാണ് താരങ്ങള്‍.ഇതിനിടെ, ദേശീയ ഗുസ്തി ഫെഡറേഷന് തെരഞ്ഞെടുപ്പ് സ്റ്റേ ചെയ്ത് ഗുവാഹത്തി ഹൈക്കോടതി. ദേശീയ ഗുസ്തി ഫെഡറേഷനും ഇന്ത്യന്‍ ഒളിമ്പിക് അസോസിയേഷനും കായിക മന്ത്രാലയത്തിനും എതിരെ ആസാം ഗുസ്തി ഫെഡറേഷന് നല്‍കിയ ഹര്‍ജിയിലാണ് ഉത്തരവ്.ഫെഡറേഷന്റെ അഫിലിയേറ്റഡ് അംഗമാകാന്‍ ആസാം ഗുസ്തി ഫെഡറേഷന് സമര്‍പ്പിച്ച അപേക്ഷ സ്വീകരിക്കാത്തതിലാണ് ഹര്‍ജി. അംഗത്വം ലഭിച്ച് തങ്ങളുടെ പ്രതിനിധിയെ ഇലക്ടോറല്‍ കോളേജിലേക്ക് നാമനിര്‍ദ്ദേശം ചെയ്യുന്നതുവരെ തെരഞ്ഞെടുപ്പ് നീട്ടി വയ്ക്കണം എന്നായിരുന്നു ആസാം ഗുസ്തി ഫെഡറേഷന് ആവശ്യപ്പെട്ടത്.2014ലെ ദേശീയ റസലിംഗ് ഫെഡറേഷന് എക്‌സിക്യൂട്ടീവ് കമ്മിറ്റി ആസാം ഗുസ്തി ഫെഡറേഷന് അംഗത്വം നല്‍കാന്‍ ശുപാര്‍ശ ചെയ്തിരുന്നു. വാദം കേള്‍ക്കുന്നതിനായി അടുത്ത തീയതി തീരുമാനിക്കുന്നത് വരെ തെരഞ്ഞെടുപ്പുമായി മുന്നോട്ടുപോകരുത് എന്ന് കായിക മന്ത്രാലയത്തിനോടും ഗുസ്തി ഫെഡറേഷനോടും കോടതി ആവശ്യപ്പെട്ടു.
