മാനവീയ ശ്രേഷ്ഠ പുരസ്കാരം സാമൂഹ്യ സേവന മേഖലകളിൽ വ്യക്തിമുദ്ര പതിപ്പിച്ച ഷീജ സാന്ദ്രയ്ക്ക് നൽകി ആദരിച്ചു
മാനവീയ ശ്രേഷ്ഠ പുരസ്കാരം സാമൂഹ്യ സേവന മേഖലകളിൽ വ്യക്തിമുദ്ര പതിപ്പിച്ച ഷീജ സാന്ദ്രയ്ക്ക് നൽകി ആദരിച്ചു . ആലപ്പുഴ വൈ.എംസി.എ ഹാളിൽ ആലപ്പുഴ എംപിയായ ആരിഫാണ് ഷീജ സാന്ദ്രയ്ക്ക് അവാർഡ് നൽകി ആദരിച്ചത്.തെരുവിൽ കഴിയുന്നവർക്കും വിശക്കുന്ന വയറുകൾക്കും ചെറുപുഞ്ചിരിമായി ഭക്ഷണ പൊതിയുമായി എത്തുന്ന പെൺകുട്ടിയാണ് ഷീജ സാന്ദ്ര. സ്വന്തം മകളുടെ ജീവിതം ഉള്ളിലെ നോവായപ്പോൾ പല ഭിന്നശേഷി മക്കകൾക്കും കാരുണ്യത്തിന്റെ മുഖമായി മാറി തന്റെ ജീവിതം പോലും ഇത്തരം കുഞ്ഞുങ്ങൾക്ക് വേണ്ടി മാറ്റിവെച്ച ഒരു അമ്മ കൂടിയാണ് ഷീജ.തന്റെ കുഞ്ഞിന്റെ ജീവിത വേദനകൾ ഓർത്തു കണ്ണീരൊഴുക്കി വീട്ടിൽ ഇരിക്കാൻ തയ്യാറാകാതെ പകരം ഒരിറ്റ് കാരുണ്യവും കരുതലും കാത്തിരിക്കുന്ന നിരാലംബരുടെ അരികിലേക്ക് സ്വയം ഇറങ്ങിച്ചെന്ന ധീര വനിത കൂടിയാണ് ഷീജ സാന്ദ്ര.ഇത്തരം പ്രവർത്തങ്ങൾക്ക് നിരവധി ആദരവുകളാണ് ഈ കുറഞ്ഞ കാലയളവിൽ ഷീജ സാന്ദ്രയെ തേടിയെത്തിയത്. അഗസ്ത്യ ഊരുത്സവത്തിന്റെ യൂത്ത് അവാർഡ് , ബ്ലഡ് ഫോർ ലൈഫ് വനിതാരത്നാ , ഹ്യൂമൺ റൈറ്റ്സ് ഫൗണ്ടേഷൻ പുരസ്കാരം , ഗാന്ധിദർശൻ അവാർഡ് , നന്മ ഫൗണ്ടേഷൻ പുരസ്കാരം , സംസ്ഥാന വികലാംഗ കോർപ്പറേഷൻ പ്രശംസാപത്രം തുടങ്ങിയ നിരവധി പുരസ്കാരങ്ങൾ ഷീജ സാന്ദ്രയെ തേടിയെത്തി.
