പ്രധാനമന്ത്രി നരേന്ദ്രമോദി തലസ്ഥാനത്തെത്തി
തിരുവനന്തപുരം: പ്രധാനമന്ത്രി നരേന്ദ്രമോദി തലസ്ഥാനത്തെത്തി. തിരുവനന്തപുരത്ത് വിമാനമിറങ്ങിയ പ്രധാനമന്ത്രി റോഡ് മാര്‍ഗമാണ് തമ്പാനൂര്‍ റെയില്‍വേ സ്റ്റേഷനിലേക്ക് തിരിച്ചത്. വാഹനത്തിന്‍റെ ഡോറ് തുറന്നു പിടിച്ചുകൊണ്ട് വഴിയില്‍ കാത്തുനിന്ന ആളുകളെ അഭിവാദ്യം ചെയ്തുകൊണ്ട് വളരെ സാവധാനമാണ് പ്രധാനമന്ത്രി മുന്നോട്ട് നീങ്ങുന്നത്.വന്ദേഭാരത് എക്‌സ്പ്രസിന്‍റെ ഫ്ലാഗ് ഓഫ് ഉള്‍പ്പെടെ വിവിധ പദ്ധതികളുടെ ഉദ്ഘാടനം നിര്‍വഹിക്കാനാണ് മോദി തിരുവനന്തപുരത്തെത്തിയത്. പ്രധാനമന്ത്രിയുടെ സന്ദര്‍ശനത്തോടനുബന്ധിച്ച് രാവിലെ മുതല്‍ തലസ്ഥാനം കനത്ത സുരക്ഷയിലാണ്.
